Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Disyembre 27, 2004. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Nobyembre 1 ya anggad Disyembre 27, 2004. [Imanoen: No anggapo iray reperensya kayari na tepet, kaukolan yoy mansukimat a dili pian naromog iray ebat.​—Nengnengen so Eskuelaan Parad Ministeryo, p. 36-7.]

SARAY KALIDAD ED PANAGSALITA

1. Anto so sakey ed saray sankaabigan a paraan pian nasagyat so interes na dumerengel ed sakey a suheto? [be p. 218 par. 3]

2. Mangilista na limaran pakapatnagan na epektibon konklusyon. [be p. 221 par. 1-5]

3. Panon tayon naseguro a susto iray ibaga tayo? [be p. 224 kahon]

4. Panon tayon naseguro a saray presentasyon tayo ed saray miting so mamapagalang ed betang na kongregasyon bilang say “lusek tan sakurong na katuaan”? (1 Tim. 3:15) [be p. 224 par. 1-4]

5. No nipaakar ed saray peles a nagagawa, saray inaon, tan saray eksperiensya, panon tayon niyaplika so Uliran 14:15? [be p. 225 par. 1]

ASAINMIN NO. 1

6. Panon a nakuenta so panaon manlapud Delap a manpasener anggad inkapalsa nen Adan? [si-E p. 286 par. 12]

7. Panon a naamtaan so petsa na inggapo na ministeryo nen Jesus, tan antoy walan basiyan ed panisian satan so agawa ed loob labat na talora tan kapalduan taon? [si-E p. 291 par. 16]

8. (a) Kapigan impaakseb so ‘ganggan a pamasimbalo tan pamaalagey ed Jerusalem’? (b) Pigaran taon so napalabas manlapud satan antis ya onapireng si Jesus bilang Mesias? (Dan. 9:24-27) [si-E p. 291 par. 18-19]

9. Anto so laktipen na masimoon ya ikerew na dispensa a manresulta ed ‘pakapipulangan ed agi tayo’? (Mat. 5:23, 24) [w02 11/1 p. 6 par. 2, 6]

10. Antoy ibabangat ed sikatayo na 2 Arari 13:18, 19 nipaakar ed panumpal ed impabtang na Dios iran kimey? [w02 12/1 p. 31 par. 1-2]

SINIMBAN BABASAEN ED BIBLIA

11. Akin a niiter odino nilako na saray Israelita ed sakey a sankaili odino dayo so ag-aparalaan ya inatey ya ayep a sikaran mismo et agda naakan? (Deu. 14:21)

12. Anton leksion so intarya ed sikatayo diad Deuteronomio 20:5-7?

13. Akin a say pangala odino panamsam na “dasel a gilingan nisay dapit-tagey a bato na gilingan” so mipara ed panamsam ed “pambilayan na sakey a too”? (Deu. 24:6)

14. Lapud saray Israelita et asebelan a mangan na dinanman a taba, anto sirin so kabaliksan na ‘pangan na taba na saray kordero’? (Deu. 32:13, 14)

15. Anto so kapadpara natan na makasalanan a walna nen Akan? (Jos. 7:1-26) [w86-E 12/15 p. 20 par. 20]