Saray Pakabat

◼ Opresin literatura ed Hulyo tan Agosto: Dinanman a brosyur so nayarin iyopresi. Setyembre: Say libron Life​—How Did It Get Here? By Evolution or by Creation? Parad saramay agmanbabasa na Ingles, nayarin iyopresi so libron Pikakabat bilang kasandi. Oktubre: Iyopresi iray kopya na Say Panag-Bantayan tan Awake! No walay nalmon interesado, iparungtal so brosyur a Kakaukolanen insan gawaen a kalat so pangigapo na saray panangiyaral na Biblia. No niyaralan la na libron Pikakabat tan brosyur a Kakaukolanen so arum, panggunaetan ya igapo so panagaral ya usaren so libron Dayewen so Dios.

◼ Diad Sabado, Agosto 28, 2004, wala so inkalapagan a panaglinis diad Ayaman a Bethel ed Quezon City, kanian kapot so opisina ed satan a kabuasan tan anggapo so panag-tour ed satan ya agew. Kapot met so panangalaan na literatura ed satan a kabuasan.

◼ Onggapo ed primeron simba na Setyembre, saray manangasikaso na sirkito so mangiter na publikon paliwawa ya apauloan na “Saray Estandarte na Siopa so Papablien Mo?” sano ondalaw ed saray kongregasyon.

◼ Nakaukolan na sangan opisina so nawalaan na suston rekord na saray address tan numero na telepono na amin a manangidaulon manangasikaso tan saray sekretaryo. No bilang ta walay pananguman, nepeg a kompletoen, pirmaan, tan ipawit a tampol na Congregation Service Committee ed sangan opisina so porma a Presiding Overseer/Secretary Change of Address (S-29). Kabiangan ed saya so antokaman ya impanguman ed saray area code ed telepono.

◼ Bektaman a manplaplano kayon onatendi ed saray miting ed kongregasyon, asamblea, odino distriton kombension diad sananey a bansa, nepeg ya idirekta ed sangan opisina a mangaasikaso ed satan a bansa so ikerew yo na impormasyon nipaakar ed petsa, oras, tan pasen. Saray address na sangan opisina so nilista ed kaplesan a Yearbook.