Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Hunyo 28, 2004. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Mayo 3 ya anggad Hunyo 28, 2004. [Imanoen: No anggapo iray reperensya kayari na tepet, kaukolan yoy mansukimat a dili pian naromog iray ebat.—Nengnengen so Eskuelaan Parad Ministeryo, p. 36-7.]
SARAY KALIDAD ED PANAGSALITA
1. Antoray sengegan a nayarin naandi so estilo tayo a singa mitotongtong labat odino magmaliw itayon porpormal sano mansasalita tayo diad plataporma? [be p. 179 par. 4]
2. Akin a say pamarakep ed kalidad na boses tayo et aliwa labat a pamaakaran na suston panaglinawa tan pamarelaks ed saray napipinat a masel? [be p. 181 par. 2]
3. Legan tayon inanabang ed arum iray katuaan ed Biblia, antoran praktikal a kundang so nagawaan tayo pian ‘magmaliw itayo ya amin a ganagana ed amin day totoo’? (1 Cor. 9:20-23) [be p. 186 par. 2-4]
4. Anto so lalanoren na italineng a maong diad ministeryo tayo? [be p. 187]
5. Akin ya importante so pangipanengneng na respeto ed amin a nakatongtong tayo diad ministeryo tayo? [be p. 190]
ASAINMIN NU. 1
6. Anto so kalat na saraman so manginanabang na teokratikon instruksion, tan anto so ontulong ed sikatayo pian nadampot itan a kalat? (Mat. 5:16; Juan 7:16-18) [be p. 56 par. 3–p. 57 par. 2]
7. Akin a makagunggona so pangipaimano ed saray pandumaan sano manbabangat, tan panon ya inusar nen Jesus iyan metodo ed panagbangat? [be p. 57 par. 3; p. 58 par. 2]
8. Bilang pidumaan ed saray Fariseo, panon ya asabi so kapusoan na totoo ed panagbangat nen Jesus? [be p. 59 par. 2-3]
9. Panon tayon natulongan iray iyaaralan tayo a mangiyaplika ed naaaralan da, ya ag-ira idedesisyonan? [be p. 60 par. 1-3]
10. Panon tayon ebatan iray tepet na arum nipaakar ed saray bengatla a kaukolan a desisyonan na indibidual? [be p. 69 par. 4-5]
SINIMBAN BABASAEN ED BIBLIA
11. Akin a kinaukolan nen Moises a tumboken a maapit “so pangaligan na tabernakulo, tan saman so pangaligan na amin a kagawaan to”? (Exo. 25:9) [it-E-2 p. 1058 par. 7]
12. Anto so naaralan tayo ed inkiwas nen Aaron ed si Moises nipaakar ed inkagawa a mangilalanor ed binalitokan a kilaw a baka? (Exo. 32:24)
13. Anto so naaralan tayo ed impangipatnag na saray Israelita ed pananisia ra bilang katutulok ed ganggan nen Jehova diad Exodo 34:23, 24?
14. Anto so gagala na apay a pandurungoan? (Lev. 3:1)
15. Panon a say paraan na impakaturo nen Aaron, a nikurit diad Levitico 8:23, so masimbolikon onaplika ed si Jesus? [it-2-E p. 1113 par. 4; w68-E p. 399 par. 24]