Saray Pakabat

◼ Opresin literatura ed Nobyembre: Say libron Pikakabat odino say brosyur a Kakaukolanen so nayarin iparungtal. No saray totoo et walaan la na saraya, iyopresi so libron Dayewen so Dios odino sakey a daan a publikasyon. Disyembre: Nayarin iyopresi so dinanman ed saray onggendan a libro: The Greatest Man Who Ever Lived, The Bible​—God’s Word or Man’s?, My Book of Bible Stories, odino Makapambilay Kayo na Ando lan Ando ed Paraiso diad Dalin. Enero: Nayarin iyopresi so dinanman a daan a libron walaan na 192-pahina. Saraman so andian na saray daan a libro so nayarin mangiyopresi ed Mankind’s Search for God. Pebrero: Iyopresi so libron Onapit ed si Jehova.

◼ Say manangasikason manangimaton odino siopaman a turoen to so nepeg a man-audit ed saray kuenta na kongregasyon no Disyembre 1 odino tampol kayari na satan a petsa no posible. Iyanunsio ed kongregasyon sano agawaan la iya.

◼ Sakey a programa parad saray telek so iyuksoy diad “Igloria so Dios” a Distriton Kombension diad Quezon City no Enero 9-11, 2004. Kabansag iya na Ingles a kombension ed satan a petsa. Siopaman a telek a makatalos na sign language so kaukolan ya onatendi ed sayan kombension, lapud anggapo lay programa parad telek ed arum a kombension.

◼ Saray Kontribusyon Parad Distrito Iran Kombension: Amin a gastos diad saray kombension, pati saray abang ed istadyum, pangiparaan ed stage tan saray public address system, ontan met ed gastos ed dinanman iran balon publikasyon ya ipaway, et susuportaan na boluntaryo iran kontribusyon parad sankamundoan a kimey. Maseguro kami a sankanonot yo iya sano onatendi kayo. Nayarin ipelag iray kontribusyon diad saray kahon parad kontribusyon a nitarya diad kada kombension.

◼ Balon Publikasyon a Wala:

Watch Tower Publications Index​—2002 ​—Ingles