Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan parad Ministeryo legan na simba ya onggapo ed Agosto 25, 2003. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Hulyo 7 ya anggad Agosto 25, 2003. [Imanoen: No anggapo iray reperensya kayari na tepet, kaukolan yoy mansukimat a dili pian naromog iray ebat.—Nengnengen so Eskuelaan Parad Ministeryo, p. 36-7.]
SARAY KALIDAD ED PANAGSALITA
1. Antoray gunggona na onnengneng ed mata legan a manpupulong? [be p. 125 par. 1-2; p. 125 kahon]
2. No nanenerbiyos ka sakbay a manpulong, anto so makatulong? [be p. 128 par. 4-5]
3. Anto so ontulong ed sikan mansalitan natural tan singa mitotongtong labat sano manpapaliwawa ed plataporma? [be p. 129 par. 2; p. 129 kahon]
4. Anto so nepeg ya epekto na saray prinsipyon naromog ed Levitico 16:4, 24, 26, 28; Juan 13:10; tan Apocalipsis 19:8 ed personal ya indengan tayo, tan akin a saya so importante? [be p. 131 par. 3; p. 131 kahon]
5. Deskribien so toon masimpit tan walaay “inkalimpio na kanonotan.” (1 Tim. 2:9, 10, NW) [be p. 132 par. 1]
ASAINMIN NU. 1
6. Anggaman nepeg a maanos a mantetepelan ed sakey tan sakey, anto so agkonsintien ed limog da? (Col. 3:13) [w01 7/15 p. 22 par. 7-8]
7. Tua o Tila: Say ordinal a numero et sigpot a bilang (full number). Isalaysay. [si p. 282 par. 24-5]
8. Anto so sankaabigan a motibo tayo diad pambasa ed Salita na Dios, tan akin ya importante so pakawalaan na ontan a motibo? [be p. 24 par. 1]
9. Panon a say makabat a too so ‘mangyatol na pikakabat’? (Uli. 10:14) [w01 7/15 p. 27 par. 4-5]
10. Akin a saray maabig a niyugali nen Job so makatantanda? (Job 1:1, 8; 2:3) [w01 8/1 p. 20 par. 4]
SINIMBAN BABASAEN ED BIBLIA
11. Panon ya ‘apankasakeyan’ na saray membro na mananguley ya ulop a saray mananisian Gentil so agla kakaukolanen a manpagalsim pian nilaban? (Gawa 15:25)
12. Akin a kinaukolan na mananguley ya ulop a si Pablo so manumpal ed pigaran nidatak ed Mosaikon Ganggan anta satan a Ganggan so kinansela la nen Jehova? (Gawa 21:20-26) [it-1 p. 481 par. 3; it-2 p. 1163 par. 6–p. 1164 par. 1]
13. Antoran palson akusasyon ed si apostol Pablo so mangipapanonot ed sikatayo nipaakar ed saray komento sumpad saray Tasi nen Jehova ed agano ni? (Gawa 24:5, 6) [w01 12/15 p. 22 par. 7–p. 23 par. 2]
14. Panon ya inletneg nen Pablo so ehemplo bilang manangiyabawag na Panarian anggan sanen sikatoy nipangaw ed abung diad loob na duaran taon? (Gawa 28:30, 31)
15. Diad anton dalan a “saray atagtagey a pakauley” so kabiangan na “bilin [“oksuyan,” NW] na Dios,” tan panon iyan mangapekta ed saray Kristiano? (Roma 13:1, 2) [w00 8/1 p. 4 par. 5]