Saray Pakabat

◼ Opresin literatura ed Hulyo tan Agosto: Dinanman ed saray brosyur so nayarin iyopresi, balet maabig no nagkalautlan iparungtal so brosyur ya A Satisfying Life​—How to Attain It. Setyembre: Life​—How Did It Get Here? By Evolution or by Creation? Oktubre: Sansakey iran kopya na Say Panag-Bantayan tan Awake! Diad saray panagpawil, nayarin iyopresi na saray manangipalapag so regular a pangitulor ed saray magasin, tekep na kalat a nigapo so panangiyaral na Biblia.

◼ Diad Sabado, Agosto 30, 2003, wala so inkalapagan a panaglinis diad Ayaman a Bethel ed Quezon City, kanian kapot so opisina ed satan a kabuasan tan anggapo so panag-tour ed satan ya agew. Kapot met so panangalaan na literatura ed satan a kabuasan.

◼ 2003 Yearbook: Wala ni so magenap a suplay tayon 2003 Yearbook diad sangan opisina parad Ingles, Cebuano, Iloko, tan Tagalog. Saray mamatatken so kaukolan a mangiyanunsio ed saya diad kongregasyon tan amtaen da no pigara nin kopya so nakaukolan pian naikdan so amin a pamilya diad kongregasyon. Pasesegen met iray manangipalapag a man-order na pigaran kopya a parad saray iyaaralan da na Biblia, lapud kabiangan ed Yearbook so awaran na kimey diad Pilipinas, tan saya so mamabiskeg ed apresasyon da ed organisasyon. Bektaman a naamtaan la no kaunongan karakel so nakaukolan tan no antoran lenguahe, kaukolan a man-order lan tampol so mangaasikaso ed literatura, ya usaren so Literature Request Form (S-AB-14).

◼ Onggapo ed primeron simba na Setyembre, saray manangasikaso na sirkito so mangiter na publikon paliwawa ed teman “Kililiktar Manlapud Mundo na Kabilungetan” sano ombisita ed saray kongregasyon. (Paimano ed saray manangasikaso na sirkito: Masasakbay iya na sakey bulan nen samay datin impangiyanunsio kanian mankabaliksan itan ya agla narengelan na arum a kongregasyon ed sirkito yo so peles a publikon paliwawa. Onggapo iyan balon paliwawa no Setyembre, 2003 tan manampot ed Pebrero, 2004.)