Saray Pakabat
◼ Opresin literatura ed Enero: Dinanman a daan a libron walaan na 192 a pahina so nayarin iyopresi. Saramay andian na daan iran libro so nayarin mangiyopresi ed Mankind’s Search for God. Pebrero: Balanglan say libron Creation odino say libron Revelation Climax so nayarin iyopresi. Marso: Iyopresi so libron Pikakabat tan panggunaetan a nigapo iray panangiyaral na Biblia. Abril tan Mayo: Indibidual iran kopya na Say Panag-Bantayan tan Awake! Diad saray panagpawil, nayarin iyopresi na saray manangipalapag so pangitulor ed saray magasin a regular, tekep na kalat a nigapo so panangiyaral na Biblia.
◼ Saray kongregasyon so kaukolan a manggawa na saray uksoyan parad panselebra na Memoryal ed sayan taon no Mierkoles, Abril 16, 2003, kaselek na agew. Anggaman nayarin igapon masakbay so paliwawa, say pangipasa na saray emblema ed Memoryal so kaukolan ya onggapo diad kaselek na agew. Anggaman maabig no selebraan a dili na kada kongregasyon so Memoryal, nayarin satan so aglawas a posibli. No pigaran kongregasyon so manguusar na saksakey a Kingdom Hall, nayarin say sakey odino onsulok ni so mangusar na sananey a pasilidad a parad labi.
◼ Say espisyal a publikon paliwawa parad 2003 a panaon na Memoryal so ipaliwawa no Simba, Abril 27, 2003. Ipawit so outline parad saray espiker diad dugan panaon. Saramay kongregasyon a nibana so bisita na manangasikaso na sirkito, sirkiton asamblea, odino espisyal ya agew ya asamblea diad satan a sampot-simba so mangiyuksoy ed espisyal a paliwawa diad ontumbok a simba. Anggapo so kongregasyon a mangiyuuksoy na espisyal a paliwawa sakbay na Abril 27, 2003.
◼ Lapud say Abril tan Mayo so espisyal iran bulan parad magasin tan dakel so man-auxiliary payunir legan na satan, kaukolan ya ikonsidera la natan na say manangasikaso na serbisyo tan say agin mangaasikaso ed saray magasin so pan-order na saray ekstran magasin ya usaren na kongregasyon diad saratan a bulan. Ipangasin ipawit la iray espisyal ya order yo pian makasabi iratan diad sanga ya ag-onlampas ed Pebrero 1, 2003. Saya so maneguro a naawat yo iray ekstran magasin a kabansag na regular ya order yo.
◼ Balon Publikasyon a Wala:
Watch Tower Publications Index—2001—Ingles