Repaso ed Teokratikon Eskuelaan Parad Panagministro
Kaput-libron repaso ed materyal a kinobrian ed saray asainmin ed Teokratikon Eskuelaan parad Panagministro a para ed saray simba na Setyembre 2 ya anggad Disyembre 23, 2002. Usaren so akabiig a peligo na papel a pangisulatan ed saray ebat ed anggan panon a karakel na tepet a nayarian yo diad nigeter a panaon.
[Imanoen: Legan na insulat a repaso, say Biblia lambengat so nayarin usaren diad pangebat ed anggan anton tepet. Saray reperensya ya ontumbok ed saray tepet so para ed personal a pansukimat yo. Saray pahina tan numero na parapo so nayarin ag-ompatnag ed amin a reperensya ed Say Panag-Bantayan.]
Ebatan so kada onggendan iran balikas na Tua o Tila:
1. Say pandalepdep ed saray pandinayewan a kalidad nen Jehova so importantin kundang diad iyapit ed sikato. (Sal. 143:5) [w00 10/15 p. 4 par. 6]
2. Say impantekep na duaran tayukor ya asalambit ed Ezequiel 37:15-24 so walaan na modernon piparaan lapud nen 1919 et saramay matoor ya alanaan so nankasakey diad silong nen Kristo, say “sakey ya ari” tan “saksakey a pastol” da. [Sinimban babasaen ed Biblia; nengnengen so w88 9/15 p. 25 par. 13.]
3. Anggaman panduaruwaan na saray masilib a kritiko na Biblia so inkamaawaran na libro na Daniel, saray nalmoan na arkeologo ed apalabas a dakel lan taon so sigpot ya aneral ed saray ipipilit da. [si p. 138 par. 4]
4. Sano say nadngel tayo et manlalapud walaan na autoridad odino mangibabagan walaan na matalonggaring a pikakabat, anggapoy mapekder a rason pian suppiaten itan bilang palso. [w00 12/1 p. 29 par. 7-8]
5. Say balikas ya “ankekelag a propeta” so matukotukoy a manedeskribe ed agtanton kaimportantian na 12 unor a libro na Hebreon Kasulatan. [si p. 143 par. 1]
6. Si Amos so sakey ed “saray anak na saray propeta” sanen sikatoy tinawag tan imbaki nen Jehova a manpropesiya ed Juda tan Israel. (2 Ara. 2:3) [si p. 148 par. 1]
7. Ipapasakbay na Abdias 16 so kaandi na saray Edomita bilang sakey a nasyon lapud impanggula ra ed Juda. (Abd. 12) [Sinimban babasaen ed Biblia; nengnengen so w89 4/15 p. 30 kahon.]
8. Say “puron lenguahe” ya asalambit ed Sofonias 3:9 unong ed New World Translation, so manasaglawi ed suston pakatalos ed katuaan nipaakar ed Dios tan saray gagala to. [Sinimban babasaen ed Biblia; nengnengen so w01 2/15 p. 27 par. 18.]
9. Say rason ed pirmin desdes ed emosyon nen Jesus diad hardin na Getsemane et say paga to nipaakar ed ipatey to bilang mabanbanday a kriminal a mangapekta ed si Jehova tan ed masanton ngaran To. (Mat. 26:38; Luc. 22:44) [w00 11/15 p. 23 par. 1]
10. Say “Filisteo” a magmaliw a “singa sakey ya oloen [“shik,” NW] ed Juda,” unong ya adeskribe diad Zacarias 9:6, 7, so mapropetikon manedeskribe ed saray membro na arum a karnero natan ya ipapasal na “matoor tan makabat ya aripen” tan naikdan na autoridad unong ed pankaukolan. (Mat. 24:45) [Sinimban babasaen ed Biblia; nengnengen so w95 7/1 p. 23 par. 14.]
Ebatan so onggendan iran tepet:
11. Panon a say responsabilidad tayo a manpulong et nikompara ed responsabilidad nen Ezequiel bilang sakey a managbantay? (Eze. 33:1-11) [Sinimban babasaen ed Biblia; nengnengen so w88 1/1 p. 28 par. 13.]
12. Antoy kasimbangan na pasingawey nen Ezequiel nipaakar ed amagan pukepukel so naimano ed modernon panaon? (Eze. 37:5-10) [Sinimban babasaen ed Biblia; nengnengen so w88 9/15 p. 24 par. 12.]
13. Anto so makakombinsin tuloy a prueba ed madibinon inkipuyan na libron Zacarias? [si p. 169 par. 5]
14. Anto so irerepresenta na syudad ed pasingawey nen Ezequiel? (Eze. 48:15-17) [Sinimban babasaen ed Biblia; nengnengen so w99 3/1 p. 18 par. 22.]
15. Panon a nikatunongan base’d Isaias 2:2-4 a saray nagagawa natan ed Israel so aliwan espisipikon manusumpal ed propesiya diad Biblia? [rs p. 223 par. 3]
16. Anton leksion so naaralan tayo manlapud reaksion nen Daniel ed ganggan na ari ya agmanpipikasi ed siopaman a dios odino too nilikud ed say ari diad loob na 30 agew? (Dan. 6:7-10) [Sinimban babasaen ed Biblia; nengnengen so dp p. 125 par. 25-8.]
17. Diad pangiyaabawag na anton mensahe nen Jehova a say nakdaan et nagmaliw a singa leon ed limog na nasyones? (Miq. 5:8) [Sinimban babasaen ed Biblia; nengnengen so w81 7/15 p. 23 par. 10.]
18. Anto so kabaliksan na balikas a “tinalos mo ed tayukor to lanlamang so ulo na saray mibabakal to,” diad Habacuc 3:14? [Sinimban babasaen ed Biblia; nengnengen so w00 2/1 p. 22 par. 15; w81 8/1 p. 29 par. 6-7.]
19. Anto so tutukoyen diad impangusar na salitan “nayari” ed Sofonias 2:3? [Sinimban babasaen ed Biblia; nengnengen so w01 2/15 p. 19 par. 8.]
20. Unong ed Zacarias 8:6, diad saray taon a manlapu la nen 1919, panon a susumpalen nen Jehova so singano mairap a tuloy manlapud punto de bista na too? [Sinimban babasaen ed Biblia; nengnengen so w96 1/1 p. 16 par. 18-19.]
Iter so (saray) salita o balikas a nakaukolan pian nakompleto so onggendan iran balikas:
21. Mitotongtong itayo ed si Jehova diad panamegley na ․․․․․․․․, a satan so manangidayew a pitotongtong ed Dios; ontan met, say manunan paraan na pitotongtong to ed sikatayo et diad panamegley na ․․․․․․․․ to. (Sal. 65:2; 2 Tim. 3:16) [w00 10/15 p. 5 par. 2-3]
22. Si Jesu-Kristo so nabidbiran bilang Miguel no ikompara so Judas 9 ed 1 Tesalonica 4:16 (Revised Standard), a ditan et say ganggan nen Jesu-Kristo parad gapo na pamaoli so adeskribe bilang “․․․․․․․․”; niarum ni, say kabaliksan na ngaran a Miguel et “․․․․․․․․,” a mapatnag a manutukoy a si Jesus imay mangidadaulo ed pangitandoro ed inkasoberano nen Jehova tan ed paneral ed kakabusol na Dios. [rs p. 218 par. 1-2]
23. Agawa so “impaway na ganggan a mamasimbalo tan mangipaalagey na Jerusalem” nen ․․․․․․․․, a mananda ed gapoan na 69 a simba na taotaon, ya anampot diad impatnag na Mesias nen ․․․․․․․․. (Dan. 9:25) [Sinimban babasaen ed Biblia; nengnengen so dp p. 190 par. 20–p. 191 par. 22.]
24. Say impanaglawi na Joel 2:31 a say banwa et ombilunget, so mipara ed Mateo 24:29, 30, a dedeskribien ditan nen ․․․․․․․․ so isasabi to bilang say Anak na too a walaay ․․․․․․․․. [si p. 147 par. 13]
25. Say propesiya nen ․․․․․․․․ nipaakar ed Asirya tan say kabisera ton syudad, a ․․․․․․․․, so mangitatandoro ed inkahustisya tan inkasupremo nen Jehova tan mangiiter ed sikatayo na kompiyansa a si Jehova so mangipaakseb na inkahustisya ed amin a marelmeng. [si p. 160 par. 11]
Pilien so dugan ebat ed kada onggendan iran balikas:
26. Say libro na Ezequiel so mangidadanet a si Jehova et (mabunlok; mapaabeba; masanto) tan ipapaamta na satan a (say pamasimbalo ed personalidad na sakey; say pamasantos ed ngaran nen Jehova; say pagmaliw a maabig a kaabay) so nagkalalon importante nen say antokaman ni. [si p. 137 par. 33]
27. Si Ezequiel, a kapanaonan nen Daniel, so mamepekder a si Daniel so tuan persona, a sikatoy sinaglawi to ontan met ed si (Noe tan Job; Moises tan Josue; Elias tan Eliseo). [si p. 138 par. 2]
28. Mitunosan ed Daniel 2:34, 35, 45, say bato a kinmena tan amuyak ed imahen so mangirerepresenta ed (Armagedon; makapasakit iran mensahe na panangukom ya inyabawag na totoo na Dios; say Mesianikon Panarian). [si p. 142 par. 20, 23]
29. Say simbolikon nasyon na duroduron ya asalambit ed Joel 1:4-6 so mangirerepresenta ed (say nasyon na Israel; alanaan iran Kristiano; saray armada na Roma). (Gawa 2:1, 14-17) [Sinimban babasaen ed Biblia; nengnengen so w98 5/1 p. 9 par. 9.]
30. Say asalambit ed Colosas 1:13 a “panariay Anak na aro to” et say (Mesianikon Panarian; panguuley nen Kristo ed Kristianon kongregasyon nanlapula’d Pentecostes 33 K.P. a manpatuloy; Sanlibon Taon ya Uley nen Kristo). [rs p. 232 par. 4]
Ipetek so onggendan iran teksto ed saray balikas a nilista ed leksab:
Os. 6:6; Joel 2:32; Zac. 4:6, 7; 13:3; Roma 12:2
31. Nepeg ya agtayo abuloyan iray estandarte ed kultura odino sekular ed sayan sistema na bengabengatla a mangimpluensya ed panag-isip tayo. [w00 11/1 p. 21 par. 5]
32. Say mamapaliket ed Dios et aliwan say kinarakel na bagbagat a pormalistikon iyaapay, noagta saray panangipatnag na matoor a panangaro a base’d pikakabat ed sikato. [Sinimban babasaen ed Biblia; nengnengen so si p. 145 par. 16.]
33. Say pangamta, panrespeto, tan panmatalek ed personan mangaakbibit ed madibinon ngaran so importante parad kilalaban. [Sinimban babasaen ed Biblia; nengnengen so kahon ed w89 3/15 p. 30.]
34. Say gagala na Dios so nasusumpal, aliwan lapud pakayari na siopaman a too, noagta diad panamegley na espiritu to, ya ontutulong ed saray lingkor to pian natalonaan iray pinmalandey a babeng tan mantultuloy ed serbisyo ra ed Dios. [si p. 169 par. 2]
35. Palumbasan na katooran a pakabidbiran ed organisasyon nen Jehova so antokaman a relasyon na too, a singa saramay maapit a kanayon. [si p. 171 par. 24]