No Anto so Ibaga Nipaakar ed Saray Magasin

Say Panag-bantayan Mayo 15

“Diad padesir yo posibli kasi a nakabat so Dios? [Abuloyan ya onebat.] Onabobon kayo a mairap so panisia ed sakey ya agtayo tanto kabat. Diad tua et papasesegen itayo na Biblia ya anapen so Dios. [Basaen so Gawa 17:27.] Sarayan artikulo so mangipanengneng ed sikatayo no panon tayon nagkalalon nakabat so Dios.”

Awake! Mayo 22

“Saray pangulo na mundo so anubok na dakerakel la ran ideya diad gunaet dan nasolbar iray problema. Sakey a balon estratehiya et say tatawagen a globalization. Diad sayan magasin et nabasa yo no panon so pangaapekta na satan a balon pakurang ed bilay yo. Nabasa yo met dia so sankamundoan a solusyon a nipasakbay ed Biblia.” Insan basaen so Mateo 6:9, 10.

Say Panag-bantayan Hunyo 1

“Nisesengeg ed agano niran agawa, dakel so manuumameng no akin a saray inosentin biktima so manasagmak na ag-inilaloan ya ipapatey. Kasin naumameng yo la no akin ya ompapatey so totoo? [Abuloyan ya onebat, insan ibukay ed tsart diad pahina 7.] Labay yon nanengneng no antoy ibabaga na Biblia nipaakar ed sakey ed sarayan kabkabat lan mito?” No posibli, manbasa na nisitan teksto.

Awake! Hunyo 8

“Liknaen na dakel a totoo a say relihyon tan siensia so mansumlangan. Iisipen ni ingen na arum ya imposible parad sakey ya interesado ed siensia so manisia ed Dios. Antoy nikuan yo ed saya? [Abuloyan ya onebat.] Sayan tema so sisingbaten na Awake! diad paraan a makaibangat a tuloy.”