Saray Pakabat
◼ Opresin literatura parad Pebrero: Nayarin iyopresi iray daan a libron walaan na 192-pahina. No anggapo iray daan a libro, nayarin usaren so libron Mankind’s Search for God odino Creation bilang kasandin opresi. Marso: Say libron Pikakabat so iyopresi tan panggunaetan so pakapangigapo na saray panangiyaral na Biblia. Abril tan Mayo: Indibidual iran kopya na Say Panag-Bantayan tan Awake! Diad panagpawil, nayarin iyopresi na saray manangipalapag ya itulor iray magasin a regular odino iyopresi so subskripsyon no arawi ed kongregasyon so panaayaman da.
◼ Say sekretaryo tan say manangasikaso na serbisyo so nepeg a manrepaso ed aktibidad na amin a regular payunir diad sampot na Pebrero. Diad satan a bulan et kaukolan ya akapangireport la ra na anggad 420 ya oras. No walay naiirapan a makaabot ed kakaukolanen ya oras, nepeg ya iyuksoy na saray mamatatken so panulong ta pian nayarian na saray payunir ya ilaeman so agda nabot ya oras legan na nakekera nin anem bulan na serbisyon taon. Parad saray suhestion, repasoen so tinaon ya S-201 a sulat ya apetsaan na Nobyembre 1, 2001. Nengnengen met iray parapo 12-20 ed insert na Ministeryo Tayo ed Panarian ed Setyembre 1986.
◼ Say manangasikason manangimaton odino siopaman a turoen to so nepeg a man-audit ed saray kuenta na kongregasyon no Marso 1 odino tampol kayari na satan no nayadyari. Sano agawaan la iya, iyanunsio ed kongregasyon kayarin imbasa so ontumbok iran report na kuenta.
◼ Diad Simba, Pebrero 17, 2002, wala so miting parad amin na saraman so manplaplanon man-auxiliary payunir legan na saray bulan na Marso, Abril, tan Mayo. Amin so papasesegen ya onatendi. Say manangasikaso na serbisyo so mangikondukta ed miting, a seguroen a wala so magenap iran Application for Auxiliary Pioneer Service ya ibunog ed amin ya onatendi ed sayan miting.
◼ Dinanman a miting a gendagendat ya aka-eskedyul ed Huebes, Marso 28, 2002 so nepeg a gawaen ed sananey ya agew legan na simba na Memoryal.
◼ Balo Iran Publikasyon a Wala:
Isaiah’s Prophecy—Light for All Mankind II—Cebuano, Ingles, Hiligaynon, Iloko, Tagalog
A Satisfying Life—How to Attain It—Cebuano, Ingles, Hiligaynon, Iloko, Tagalog
Tract T-25, Walaan Kayo Ta na Ag-ompatey ya Espiritu?—Bicol, Cebuano, Ingles, Hiligaynon, Iloko, Pangasinan, Samar-Leyte, Tagalog