Panagpulong​—“To the Ends of the Earth”

Siopa so nayarin manbantay ed video a To the Ends of the Earth a maminpigapiga? Saraman so walaan na kalat a magmaliw a misionaryo. Akin? Pian nikabisado ray inkasikara ed Watchtower Bible School of Gilead. Say video so ananda ed koma-50 ya anibersaryo na sayan nikadkaduman eskuelaan, ya apawala pian palaknaben so panagpulong ed “amin a samsampot na mundo.” (Sal. 22:27) Say pambantay ed satan so mamadaak na apresasyon yo ed sankaimportantian a kimey a panangipulong ed maong a balita tan managyat ed sikayon mamadaak ed aktibidad yo. Konsideraen: (1) Diad asasakbay na dekada na 1940, anto so nagmaliw a manunan angiyapasakeyan na imano na organisasyon nen Jehova? (Gawa 1:8) (2) Nen 1942, anton makapakelaw a propesiya na Biblia so nasusumpal, tan panon a say pangiyaapasakeyan tayo et miduma ed mundo ed inkalapagan? (Apoc. 17:8; w89 4/15 p. 14 par. 12) (3) Antoran plano so ginawa pian anamoten so inilaloan a peryodo na kareenan kayari na Guera Mundial II? (jv p. 522 par. 1-2) (4) Antoran kalidad na saray estudyante diad inmunan klase na Gilead School so nandinayewan mo? (5) Diad primeron 50 taon na Gilead, pigaran estudyante so nangraduar la, tan kaunongan karakel a bansa so nibakian da? (6) Kaunongan ya edukasyon ed Biblia so talagan nagagamoran na saray estudyante? (7) Anto so manggagawa’d sakey bilang maong a misionaryo tan managbangat na Salitay Dios? (8) Anto so klase na bilay na misionaryo, tan antoran angat so kaukolan ya arapen? (9) Panon so panmoria na saray misionaryo ed kabibilay da, tan antoran nikaduman gayaga so resulta na dilin-panagsakripisyo a kurso ra? (10) Anto la so agawaan na saray nilibon misionaryo anggad natan? Mangiter na saray alimbawa. (11) Antoray impresyon mo ed saray agagin lalaki tan bibii a linma angga “ed samsampot na mundo” pian manpulong? (12) Anto so ipapaseseg ed sikan gawaen na ehemplon ipapanengneng na saray misionaryo, tan akin?