Saray Pakabat

◼ Opresin literatura parad Nobyembre: Ituloy ya ibunog so Kingdom News No. 36. No walaray kongregasyon ya asumpal da lay teritorya ra, a naikdan da laray kada onabung na kopyay Kingdom News No. 36, nayari da lan iyopresi so libron Pikakabat odino say brosyur a Kakaukolanen. No walaan la iray totoo na sarayan kopya, nayarin usaren so libron Manbilay na Ando lan Ando odino Creation. Disyembre: Iyopresi so brosyur a Libron Parad Amin a Totoo kaibay New World Translation of the Holy Scriptures. Enero: Iyopresi so dinanman a 192-pahina iran libro. No anggapo la iraya ed kongregasyon, nayarin iyopresi so libron Liket ed Pamilya. Pebrero: Life​—How Did It Get Here? By Evolution or by Creation? No aliwan Ingles so maslak ya uusaren, say libron Liket ed Pamilya so iyopresi.

◼ Anggaman say insert ed sayan Ministeryo Tayo ed Panarian et singbaten ed Service Meeting ed sayan bulan, magmaong no usaren so 15 minutos ed unor a Service Meeting sakbay ya onatendi ed kombension yo pian repasoen iray nipaimano a simbawa ed sayan insert. Diad satan a petsa, pasesegen so amin ya imanoen dan magano so inimprintan programa sakbay ya onggapoy sesyon ed kada kabuasan tan ngarem insan talaranan da no antoy singbaten. Saya so mamainomay pian niteen so imano ed programa tan makapansulat na antikey balet ta makabaliksan iran nota.

◼ Implano na Sosyedad so pangiyaregloy panangipatalos parad saray telek diad Quezon City a “Mananumpal na Salita na Dios” a Distriton Kombension no Disyembre 8-10, 2000. Ibansag iya ed Ingles a kombension ed satan a petsa. Siopaman a telek a makatalos na sign language so kaukolan ya onatendi ed sayan kombension, lapud anggapo la so panangipatalos parad saray telek diad arum a kombension.

◼ Say manangasikason manangimaton odino siopaman a pabtangan to so nepeg a man-audit ed saray kuenta na kongregasyon no Disyembre 1 odino tampol kayari to no nayadyari. Iyanunsio ed kongregasyon no agawaan la iya.

◼ No ayari la so kampanya na Kingdom News, napaseseg ni iray manangipalapag ed saray kongregasyon a walaan ni na suplay na Kingdom News No. 36 ya iyopresi da ni iraya diad parehon panangiyopresi ed saray tract​—balanglan diad kaabungan odino inerman a pasen. No matukoy, mangitilak iray manangipalapag na sakey a kopya ed kada anggapoy onabung, a seguroen a naala da itan. Panggunaetay pangibunog ed amin a nakekeraan nin kopya na sayan importantin mensahe.

◼ Walan Balo iran Compact Disc:

Watchtower Library​—1999 Edition dia ed CD-ROM

Kingdom Melodies No. 9 dia ed compact disc