Saray Karga
SIMBA NA DISYEMBRE 31, 2018–ENERO 6, 2019
3 “Saliw Moy Katuaan tan Agmon Balot Ilalako”
SIMBA NA ENERO 7-13, 2019
8 “Manakar Ak Unong ed Katuaan Mo”
Papasesegen itayo na sayan duaran artikulo ya apresyaen so mablin katuaan ya manlalapud si Jehova. Say kablian na satan ya katuaan et agnaparaan na anggan anton sakripisyo ya ginawa tayo pian niwala itan ed sikatayo. Aralen tayo met ed sarayan artikulo no antoy gawaen tayo pian tuloytuloy tayon ipasen ya kayamanan so katuaan tan agtayon balot isuko odino ikompromiso so anggan anton mablin katuaan ya imbangat nen Jehova ed sikatayo.
SIMBA NA ENERO 14-20, 2019
13 Manmatalek Kad si Jehova tan Manbilay Ka!
Ipapanengneng ed sikatayo na libro na Habacuc no panon tayon napansiansia so relasyon tayod si Jehova anggano wala ray naeeksperiensya tayon kairapan. Ipaliwawa na sayan artikulo ya anggano ondadakel iray kapagaan, subok, odino kairapan ya aarapen tayo, no manmatalek tayod Dios et seguradon bendisyonan tan iliktar to itayo.
SIMBA NA ENERO 21-27, 2019
18 Siopay Mangiimpluensya ed Panagnonot Mo?
SIMBA NA ENERO 28, 2019–PEBRERO 3, 2019
23 Kasin Aaligen Moy Paraan na Panagnonot nen Jehova?
Legan tayon onaaligwas ed espiritual, mas naaapresya tayo so kaatagey na kanonotan nen Jehova. Ipaliwawa na sarayan duaran artikulo no antoy gawaen tayo pian ag-itayo naimpluensyaan na panagnonot na sayan mundo tan no panon tayon naalig so kanonotan nen Jehova.
28 Kaabigan—Say Kualidad ya Nipanengneng ed Salita tan Gawa