Saray Karga

Aralen ed sayan artikulo no panon tayon nausar iray materyal a kayarian tayo pian “mikaaro” ed si Jehova tan si Jesus. (Luc. 16:9) Aralen tayo met dia no antoy gawaen tayo pian agnaaripen na komersyo na sayan mundo tan no panon tayon sigpot a napanlingkoran si Jehova.

Panon ya nasarag na sakey a Kristiano so biglan ipatey na sakey ya inad-aro? Iiter nen Jehova so kakkaukolan tayon ligliwa panamegley nen Jesu-Kristo, say Biblia, tan say kongregasyon. Aralen ed sayan artikulo no panon itayon naligliwa tan say arum ya maneermen.

Aminpigan impaseseg na Salmo 147 ed saray totoo na Dios ya idayew day Jehova. Anto ray pandinayewan na salmista ed si Jehova kanian labalabay ton idayew? Ipaliwawa iya ed sayan artikulo, tan aralen tayo met no akin ya nepeg tayon idayew so Dios.

Dakel a kabataan ya agagi so maseseg ya manlilingkor a full-time. Kasin labay mo met itan? Aralen ed sayan artikulo iray balibalin bilin na Biblia ya ontulong ed sika ya manplano parad maong tan maliket ya arapen.