Makana Iran Leksion Parad Ugugaw

SI Gladys so mantratrabaho ed sakey ya eskuelaan ed Mendoza, Argentina. Sakey ya agew et dinmalan ed sakey a kuarto tan naimano ton ibabasa na maestra ed saray eskuela ton walad komapat a grado so libron My Book of Bible Stories.a Inkabat toy inkasikato ed maestra a sikatoy sakey a Tasi nen Jehova tan inyopresi to ya idemostra no panon ton napinabangan a maong so libro. Nandinayewan na maestra so impaliwawa ed sikato nen Gladys, kanian labay ton magmaliw lan kabiangan na kurikulom so libro. Balet ta kaukolan ton ipatanir ni itan ed administrasyon na eskuelaan. Agaylay liket to lapud inmabuloy ira.

Diad saginonor, sanen “Book Day” na eskuelaan, impabasa na maestra ed saray eskuela to so sakey a kapitulo na libro ed arap na saray kaeskuelaan da. Nisengeg ed maabig a reaksion ed sayan programa, naimbitaan so maestra ed sakey a palabas ed telebisyon pian interbioen. Sanen apantongtongan da so nipaakar ed kondukta na saray eskuela, oniay intepet na anginterbio, “Antoy gagawaen yo madam pian napadeen yo’ray eskuela yo?” Insalaysay na maestra ya uusaren to so libron apauloan na My Book of Bible Stories. Intuloy ton inkuan ya anggaman sikatoy agmanbabangat na relihyon ed klase to, diad panamegley na satan a libro et nipapaslep to iray maong ya ugali, a singa say panagrespeto, inkama-anos, pankakasakey, pikokoopera, katutulok, tan aro. Amin so mipakna a makana irayan leksion parad ugugaw.

Labay mo ta’n ipaslep iratan ya ugali ed ananak mo? Nayarian moy onkerew ed saray Tasi nen Jehova na sakey a kopya na sayan marakdakep a libron My Book of Bible Stories.

[Paimano ed leksab]