Kasin Nilitratom ed Kanonotan Mo so Babasaen Mo?

PIAN nilitratom ed kanonotan mo iray ebento, natulongan ka diad pagmaliw mon pamilyar ed saray lugar a babasaen mo. Alimbawa, konsideraen iray impanbaroy nen apostol Pablo bilang misionaryo, a nisalaysay ed libro na Biblia a saray Gawa. Diad inmunan impanbaroy to bilang misionaryo, sikatoy ginmapo ed Antioquia, a ditan et saray patumbok nen Jesus so primeron atawag a Kristiano. Manlapu ditan sikatoy amaarap ed Salamina, Antioquia na Pisidia, Iconio, Listra, tan Derbe. Nilitratom kasi ed kanonotan mo no iner irayan lugar?

Nayarin andi, no anggapoy mapam. Diad balon 36-pahinan brosyur a “See the Good Land” et akalaktip itan a mapa. Oniay maapresyan inkomento na sakey a managbasa a taga-Montana, E.U.A.: “Singa sankanengneng koy impanbaroy nen Pablo tan nililitratok ed kanonotan ko iray paraan na impanbaroy to tan say kimey a ginawa to tan arum niran inmunan Kristiano diad impangikayat day maong a balita. Salamat ed sayan marakerakep a mapa a katulongan ed panagaral.”

Say mapa na saray binaroy nen Pablo so sakey labat ed dakel nin mapa a walad sayan brosyur ya ontulong ed managbasa pian nilitrato ed kanonotan to iray nisasalaysay diad Biblia. Nayarian moy onkerew na kopya na “See the Good Land” diad pansulat ed nitekep a coupon tan pangipawit ed satan diad address a nipanengneng odino diad matukoy ya address a walad pahina 2 na sayan magasin.

□ Labay koy nawalaan na libren kopya na brosyur a “See the Good Land.”

□ Ipangasin dalawen yo ak parad libren panagaral na Biblia ed abung.

[Picture Credit Line ed pahina 32]

Pictorial Archive (Near Eastern History) Est.