Ibasaan Moray Anak Mo

Unong ed magasin na Brazil a Veja, saray ananak na makukulin managbasa et mas maseguron makabayubo na inkahilig ed saray libro nen saray ananak ya andian na ontan a napanalimbawaan ed panagbasa diad abung. “Say paniiban pambasa so lalon mamabiskeg ed inkamaapit na atateng tan ananak tan ontulong pian lalon natebek na ugaw iray lugan na libro,” inkuan nen Martha Hoppe, espisyalista ed ibubulaslas na ugaw.

Say maksil a pangibasa ed ananak mo so mangiter met ed sika na pankanawnawan mangebat ed saray tepet. Nayarim ya isingbat iray litraton kalaktip ed babasaen. “No lalon natatalosan na ugaw iray lugan na libro,” inkuan nen Hoppe, “lalon nasagyat a manusisa ed saratan sano kaliktan ton napenek so inkausisa to.”

Panggagayagaan na dakel ya atateng ed Tastasi nen Jehova so pangibasa ed ananak da. Ibabasa daray publikasyon a singa say My Book of Bible Stories, Listening to the Great Teacher, tan The Greatest Man Who Ever Lived.a Say oniaran libro so aglabat ontulong ed ugugaw a magmaliw a maong a managbasa noagta mamaaralem met ed interes da ed libron sankasaliwan ed mundo​—say Masanton Biblia. Kanian, no sakey kan ateng, mangipanengneng na alimbawa ed ananak mo diad pagmaliw a magunaet a managbasa ed Salitay Dios. (Josue 1:7, 8) Tan nagkalalo ed amin, ipanaon so pangibasa ed sikara!

[Paimano ed leksab]