Andi-esel Dan Indaydayew so Manamalsa Ra

DIAD kasiporan et alay abig so iseselek na banwa. Balet say itsura na banwan manpapaleksab ed beneg na sayan partikular a palandey diad Apuan Alps na Tuscany, Italya, so talagan nikadkaduma.

No bantagen ed arawi, ompatnag a say banwa et dinmapon mismo ed palandey imbes a mamapaleksab ed benegan to. Akin? Lapud say toktok na palandey so sipor lan akortian a singano imbangbang la’d palandey. On, sayan toktok so awalaan na ngaran, Monte Forato​—say Abungawan a Palandey. Lapud ililiber na dalin ed banwa, mamidua labat ed kada taon a saramay onnenengneng ed korti et nanengneng day banwa a singano dinmapon mismo ed Monte Forato.

Singa arum a kabiangan na palsa, say andiay bilay a katawenan so mangidadayew ed Manamalsa ra. Panon? Diad paraan a say marakerakep a painting et mangidaydayew ed artist a nanggawa ed satan. Ontan met, saray pinalsa ed tawen so mangipatnag ed pakapanyari, kakabatan, tan karlangan nen Jehova. Singa impangikuan na salmista, “saray tawen ipaliwawa ra so gloria na Dios; tan say sansinakoban iparungtal to so gawa na saray lima to.” (Salmo 19:1; 69:34) Kanian no say banwa tan arum ya andiay bilay a pinalsa et mangidadayew ed Manamalsa ra, agaylan nagkalalo ed sikatayo!​—Salmo 148:1, 3, 12, 13.