Naagwat Itayo ni Kasi ed Onian Eksena?

INERMAN so lingawan tayo ed sarayan agew, nanengneng tayoray deskripsyon na tensyon, gutgutan, tan bakal. Balet aggagala na sayan magasin ya aruman ni mauges a balitan kabat mo. Imbes, anggan panon et iparungtal ed sika na sayan espisyal a paway so duara met lambengat a makaligliwan katuaan. Unona, say kadaanan iran propesiya ed Biblia so aktual ya angipasakbay ed maslak a makapatalagnaw a mauges a balita ed panaon tayo; komadua, a saya lamlamang a libro na propesiya so mangipapasakbay nipaakar ed sakey ya agew sano saratan ya eksena a singa say nilitrato dia so napaso la. Anggapo laray bakal. Anggapo laray panagbomba, snipers, nikotkot iran bomba, odino terorismo. Anggapo laray maneermen ya ulila odino andiay ayaman a tinmataynan. Sakey a mundon walaay puro, makarepreskoy-puson kareenan. Labay mo ta’n nanengneng so ontan a panaon? Pasesegen mi kan mangonsidera ed no anto so ibabagay Biblia. Naromog mo so ligliwa ditan nen say naisip mon posibli.