Bengatlan Magmaong Nen Say Telebisyon

Sakey ya ina a nanlapud Indianapolis, Indiana, E.U.A. so nansulat a komaduwa lan mamedido na set na cassette tapes na My Book of Bible Stories, parad say apatiran-taon ya anak ton laki. Inadmite to: “Mabetbet a sano siak tan say ama to et manbabantay na telebisyon ed sala a sikato met so walad kusina a mamapatogtog tan ontatalineng ed saray estorya na Biblia. Satan so ontanlan mamagonigon ed sikami a say telebisyon so erepen mi.”

Impanampot to: “Liknaen mi a maseguron saray tapes na Bible Stories so walan akatulong ed sikaton masmareen tan masmaliket ya ugaw. . . . Salamat na balbaleg.”

Say italineng ed cassettes na 116 iran estorya na My Book of Bible Stories so sakey a marakep a dalan parad saray ugugaw a manaral ed Biblia. Say sakey ya ugaw ni so makanonot na nagkalalo nen say isipen yo no sikato so walaan na interes. Dakel iran pamilya so akaromog ed My Book of Bible Stories, a pati ed nirekord a libro ed cassette tapes, a satan lambengat so nakakaukolan pian bayuboan itan ya interes. Parad inpormasyon no panon a makawat na casette tapes tan sakey a kopya na libro, pirmaan tan ibuson so kaiban kupon.

Tseken so balanglan sakey o nampara ed say onggendan:

◻Ipangasin mangipawit na inpormasyon no panon a makawat na cassette tapes na My Book of Bible Stories. (Sulatan so address ed leksab parad inpormasyon. Diad paway na Pilipinas, mansulat ed lokal a sanga na Watch Tower parad impormasyon.)

□Ipangasin mangipawit na inpormasyon ed no panon a makawat na ilustradon 256-pahinan My Book of Bible Stories.