Panagtepel ed Leksab na Mabiskeg-nen-toon Detdet

KASIN liknaen yon saya so gagawaen yo?

Dakel a totoo so ontan. Tan sikara so atulongan diad impikabat no panon so impakatalona na arum. Sakey a kard a nanlapud Greenville, Texas, ya impaarap ed Watchtower Society, so angipaliwawa: “Tuan apresyaen koray tuan estorya ed bilay na saray Kristianon totoo a nansungdo ed ontan lan impanirap ta pian magmaliw a matoor. Dakel iray eksperiensian nababasak a tekep na saray luan unaagos ed lupak, unong a nanengneng ko a si Jehova lambengat a tuan Dios so makayarin mangiliktar ed sikara a manlapud ontan a kagonigonan a nasasagmak da. Gawaen toak a lalon mapaabeba tan misalsalamat a Kristiano legan a babasaen ko so sasagmaken da, tan tinulongan toak ya agmanisip na alablabas ed inkasiak odino magmaliw a masiblet.”

Say 1988 Yearbook of Jehovah’s Witnesses so napno na saray eksperiensia na Kristianon ontatalindeg a malet nisesengeg ed inkatunong legan na bakal ed Korea tan legan na saray taon na terorismo ed Ireland. Say Yearbook so mangiter met na maawaran a salaysay ed kimey na saray Tasi nen Jehova ed Costa Rica, tan ontan met ed saray peles a retrato ed sankamundoan a kimey da.

Ipangasin ipawit, libre-koreo, so 1988 Yearbook of Jehovah’s Witnesses. Ilaktip ko so ₱14.