Inkamapangasi Mangitarok na Gayaga

Asasakbay ed sayan taon say onggendan a sulat so naawat na saray manangipalapag ed The Watchtower:

“Dear Sir:

“Nen imbeneg a bulan diad Philadelphia say tin-edyer ya anakon bii so atakewan na pitaka ed bag to. Nen imbeneg a simba et naawat to ed koreo so sakey a paketin nankarga na pitaka to tan lisensya to tan arum niran importantin kard. Say pakete so impawit na sakey a kinaliktan ton agnakabatan, nilikud a say pakete so nankarga met na sakey a kopya na palapagan yo a The Watchtower. Siopaman a nanggawa ed sayan gawa na inaagin aro (manlapud syudad na inaaron impanaagi) so mapatnag ya akaromog ed pitakan imbantak na matakew tan agonigon tan gastos a mangipawil ed anako. Say pamilyak tan siak so misalsalamat ed sayan nengneng na too . . . Saman so baleg a dalan na ‘pantasi,’ ilautla ed saray tin-edyer (3 ed sikara).”

Say pambasa ed The Watchtower so makagunggunan angapekta ed bilay na minilyon, a nibayubo ed sikara iray kalidad na inkamatua, inkamapangasi, tan inkamakonsidera. Natan masulok a 11 milyon a kopya ed kada paway so nipiprinta ed masulok a 100 lenguahe. Makaawat kayo na sakey taon a suskripsion ed The Watchtower, duaran paway ed sakey bulan, diad panulat tan pangibuson ed kaiban kupon, a tekep na ₱50.

Ipangasin siak so ipawitan na The Watchtower. Ilaktip ko so ₱50.