No panon kan nagunggonaan ed panaral mo na Biblia
Nengnengen ta nin unona iray parte na sayan publikasyon, insan ta i-play so VIDEO.
UNONAN PARTE
No ipaparaan mo so kada leksion, basam so unonan parte. Nanengneng ed saray mabakat ya tepet (A) tan teksto ed Biblia (B) iray importantin punto. Napansin mo met ya saray arum ya teksto et walay instruksion ya “basaen.”
PEGLEY YA PARTE
Diad gapo na sayan parte (C) ya Dakel Ni Naaralan Mo, naamtaan mo no anto ni ray onsublay ya aralen. Saray subheading (D) so pakanengnengan ed saray manunan punto. Basaen iray teksto, ebatan iray tepet, tan bantayan iray video, kaiba so mangiyaaral ed sika.
Saray VIDEO tan AUDIO RECORDING ed saray leksion et makatulong pian mas natalosan moy aaralen yo. Saray arum ya video et tudtuan agawa. Say arum et dramatization labat, pero talagan nagagawa iratan ed bilay.
Imanoen iray litrato tan caption (E), tan pannonotan no panon ya ebatan so Ibabaga na Arum (F).
SAMPOT YA PARTE
Say Sumaryo tan Rebyu (G) so konklusyon na leksion. Ikargam so petsa no kapigan mo asumpal so leksion. Say Salim Iyan Gawaen (H) so ontulong pian onaligwas ka ni. Say Diskobrien (I) et kaaruman ya impormasyon ya sarag mon basaen odino bantayan.
No panon ya anapen iray teksto ed Biblia
Walay 66 ya libro na Biblia. Naapag itan ed duaran seksion: say Hebreo-Aramaikon Kasulatan (“Daan ya Sipan”) tan say Kristianon Griegon Kasulatan (“Balon Sipan”).
Diad sayan publikasyon et wala ray teksto, ya say akakarga et libro na Biblia (A), insan say kapitulo (B), tan bersikulo (C).
Singa bilang, say labay ya ibaga na Juan 17:3 et libron Juan, kapitulo 17, bersikulo 3.