TEPET 2
Panon mon nakabat so Dios?
“Sayan libro na Ganggan et agnepeg ya onarawi ed sangim, tan nepeg mon basaen a makalna ed agew tan labi, pian maalwar mon nagawaan so amin a nisulat ed saya; diad ontan et ontalona ka ed dalan mo, tan onkiwas kan walaay karunongan.”
“Intuloy dan binasa a maksil so libro, say Ganggan na tuan Dios, a malinew dan ipapaliwawa tan ibabaga ray kabaliksan na satan; kanian tinulongan da ray totoo a natalosan so ibabasa.”
“Maliket so toon agmanaakar unong ed simbawa na mauges . . . , imbes, say panliliketan to et say ganggan nen Jehova, tan babasaen ton makalna so ganggan To diad agew tan labi. . . . Amin a gawaen to et onaligwas.”
“Batik si Felipe a binansagan to itan tan nadngel ton babasaen a maksil na eunoko so libro nen propeta Isaias, tan inkuan to: ‘Natatalosan moy babasaen mo?’ Inkuan to: ‘Panon kon natalosan no anggapoy mangipaliwawa ed siak?’”
“Saray agnanengneng a kualidad to, salanti, say andi-anggaan a pakapanyari tan inka-Dios to, et sankanengneng manlapu la nen pinalsa so mundo, lapud naaamtaan iratan ed panamegley na saray pinalsa, kanian anggapoy nibaraan da.”
“Nodnonot mo irayan bengatla; iyulom iraya, pian nanengneng na amin a totoo so iyaaligwas mo.”
“Nonoten tayoy sakey tan sakey pian makapansasagyatan itayo a mangaro tan manggaway maabig iran kimey, ya agtayo papaulyanan so pantitipon tayo.”
“No walad sikayo so kulang na karunongan, mantultuloy komon ya onkerew ed Dios, ta sikatoy mabunlok a mangiiter ed amin tan agmamabalaw, tan niiter itan ed sikato.”