No Antoy Naaralan ed Salita na Dios

Nabasa ed Biblia so salita odino mensahe na Dios parad sikatayo natan. Ipapanengneng na saya no panon tayon manbilay a maliket tan no panon a naawat so panangabobon na Dios. Naamtaan met ed Biblia iray ebat ed sarayan tepet:

1 Siopa so Dios?
2 Panon mon nakabat so Dios?
3 Siopan talagay nanlapuan na Biblia?
4 Kasin sustoy ibabaga na Biblia nipaakar ed siensia?
5 Antoy mensahe na Biblia?
6 Antoy impropesiya na Biblia nipaakar ed Mesias?
7 Antoy impropesiya na Biblia nipaakar ed panaon tayo?
8 Kasin say Dios so natetel ed paniirap na totoo?
9 Akin et maniirap so totoo?
10 Antoy ibabaga na Biblia a nagawad arapen?
11 Antoy nagawa sano ompatey so sakey a too?
12 Antoy ilalo tayo nipaakar ed saray inaatey?
13 Antoy ibabaga na Biblia nipaakar ed panagkimey?
14 Panon mon napaliisan so problema ed kuarta?
15 Panon kan magmaliw a maliket?
16 Panon mon arapen so kapagaan?
17 Panon a makatulong so Biblia ed pamilyam?
18 Panon kan nawalaan na maapit a relasyon ed Dios?
19 Antoy karga na saray libro na Biblia?
20 Panon kan nagunggonaan ed pambasam na Biblia?

NO PANON MON NAROMOG IRAY TEKSTO NA BIBLIA

Say Biblia et walaan na 66 a libro. Naapag itan ed duaran seksion: say Hebreo-Aramaikon Kasulatan (“Daan a Sipan”) tan say Griegon Kasulatan (“Balon Sipan”). Kada libro na Biblia et naapag ed saray kapitulo tan bersikulo. No wala ray nanengneng mon teksto, say unonan numero kayari na libro na Biblia et ontutukoy ed kapitulo, tan say ontumbok a numero et ontutukoy ed bersikulo. Alimbawa, say Genesis 1:1 et ontutukoy ed Genesis kapitulo 1, bersikulo 1.