Библийы цы бакӕсыс, уый-иу дӕ цӕстытыл ауайын кӕн

Библийы ис, ӕцӕгдӕр чи ’рцыд, бирӕ ахӕм хабӕртты тыххӕй фыст, цӕмӕй дзы нӕ бон уа нӕхицӕн зондӕн исты райсын. Цы бакӕсӕм, уый-иу нӕ цӕстытыл куы ауайын кӕнӕм, уӕд-иу уыцы хабӕрттӕ хуыздӕр бамбардзыстӕм, ӕмӕ-иу нын фылдӕр пайда ӕрхӕсдзысты. Дӕлдӕр цы уынаффӕтӕ ис, уыдон дын баххуыс кӕндзысты, цӕмӕй, цы кӕсыс, уый-иу дӕ цӕстытыл ауайын кӕнай.

• Хъӕрӕй кӕс. Библи хъӕрӕй куы кӕсай, уӕд дын ӕнцондӕр уыдзӕн, цы хабӕртты кой дзы цӕуы, уыдон дӕ цӕстытыл ауайын кӕнын. Дӕ бинонтимӕ Библи иумӕ куы кӕсат, уӕд дӕ бон уыдзӕн алкӕмӕн дӕр бахӕс кӕнын цавӕрдӕр адӕймаджы ныхӕстӕ бакӕсын. Уӕд-иу цыма уӕхӕдӕг дӕр уым стут, афтӕ уыдзӕн.

• Хабӕрттӕ-иу дӕ цӕстытыл ауайын кӕн. Кӕй тыххӕй кӕсыс, уыцы адӕймаг цӕуыл хъуыды кодта ӕмӕ йӕм цавӕр ӕнкъарӕнтӕ уыд, уый бамбарыныл-иу бацархай. Дӕ бон у ахӕм фарстатыл ахъуыды кӕнын: «Ахӕм ныхӕстӕ цӕмӕн загъта кӕнӕ афтӕ цӕмӕн бакодта? Ӕз йӕ бынаты куы уыдаин, уӕд ӕз та цӕуыл хъуыды кодтаин кӕнӕ мӕм цавӕр ӕнкъарӕнтӕ уыдаид?»

• Цы хабӕртты тыххӕй кӕсыс, уыдон-иу сныв кӕн. Уый дын ӕххуыс кӕндзӕн, цӕмӕй-иу уыцы скъуыддзаг дӕ цӕстытыл ауайын кӕнай ӕмӕ йӕ хуыздӕр бахъуыды кӕнай. Ӕмӕ уӕлдай нӕу, ныв кӕнынмӕ хорз арӕхсыс ӕви нӕ.