Иннӕтӕн хай кӕн, «Хуыцауӕй чи цӕуы, уыцы хорздзинӕдтӕй»

Мах не ’ппӕт дӕр бафидар вӕййӕм, нӕ хотӕ ӕмӕ не ’фсымӕртимӕ нӕ рӕстӕг куы фервитӕм, уӕд. Фӕлӕ, ӕрмӕст иумӕ уӕм, уый фаг нӕ вӕййы. Библийы фыст ис, кӕрӕдзийӕн кӕй хъуамӕ хай кӕнӕм, «Хуыцауӕй чи цӕуы, уыцы хорздзинӕдтӕй» (Ром. 1:11, 12). Уый нӕ бон куыд у аразын?

Иннӕты фидар кӕн дӕ ныхӕстӕй. Зӕгъӕм, ӕмбырды дзуапп куы дӕттай, уӕд-иу иннӕты ’ргом здах Йегъовӕмӕ, йӕ Ныхасмӕ ӕмӕ йӕ адӕммӕ, дӕхимӕ нӕ, фӕлӕ. Хотӕ ӕмӕ-иу ӕфсымӕртимӕ куы ныхас кӕнай, уӕд-иу дзур, сӕ уырнындзинад сын цы бафидар кӕндзӕн, уыдӕттыл.

Иннӕты фидар кӕн, цы уынаффӕтӕ рахӕссыс, уыдонӕй ӕмӕ дӕ хъуыддӕгтӕй. Чи зоны, ӕххӕстрӕстӕг лӕггад кӕныс, кӕд дын уый ӕнцон нӕу, уӕддӕр. Кӕнӕ та де ’нӕниздзинад сӕ хӕрзтӕй нӕу, йе та куысты тынг бафӕллайыс, фӕлӕ уӕддӕр, «Нӕ чырыстон цард ӕмӕ нӕ лӕггад» чи хуыйны, уыцы фембӕлд дӕр никуы фӕцух кӕныс. Ӕмӕ иннӕтӕн уый уынгӕйӕ сӕ уырнындзинад бафидар вӕййы.

Дӕ ныхӕстӕй ӕмӕ дӕ хъуыддӕгтӕй хоты ӕмӕ ’фсымӕрты ныфсыл ныфс ӕфтауыс? Ӕмӕ уыдон та дӕ уырнындзинад бафидар кӕныны тыххӕй цы фӕдзурынц ӕмӕ цы фӕаразынц, уый бафиппайыс?