Цы дын баххуыс кӕндзӕн Библи алы бон дӕр кӕсынӕн?

Кӕмӕндӕрты Библи алы бон кӕсын нӕ фӕуайы, тынг ӕнӕвдӕлон кӕй сты, уый тыххӕй (Йес. Н. 1:8). Кӕд дӕуӕн дӕр дӕ хабар афтӕ у, уӕд ацы уынаффӕтӕй искӕцыйӕ спайда кӕн:

• Дӕ телефоны будильник сӕвӕр. Дӕ телефоны-иу будильник сӕвӕр, цӕмӕй-иу дын алы бон дӕр дӕ зӕрдыл ӕрлӕууын кӕна, Библи бакӕсын дӕ кӕй хъӕуы, уый.

• Дӕ Библи зынгӕ ран сӕвӕр. Кӕд мыхуыргонд Библи фӕкӕсыс, уӕд ӕй сӕвӕр, хорз кӕм зына ӕмӕ йӕ алы бон дӕр кӕм уынай, ахӕм ран (Дык. з. 11:18).

• Библийы аудиозаписьтӕм хъус. Хӕдзары куыстытӕ кӕнгӕйӕ-иу Библийы аудиозаписьтӕм хъус. Сывӕллӕттӕ кӕмӕн ис ӕмӕ ӕхсӕвыгӕтты чи фӕкусы, иу ахӕм хо, Тарӕ, загъта: «Хӕдзары куыстытӕ кӕнгӕйӕ Библийы аудиозаписьтӕм кӕй фӕхъусын, уый фӕрцы иу бон дӕр афтӕ нӕ ацӕуы, ӕмӕ Библи ма бакӕсон».

• Дӕ къухтӕ ма ’руадз. Кӕд исты хабӕртты тыххӕй дӕ бон не сси Библи, цы рӕстӕг ын снысан кодтай, уыцы рӕстӕг бакӕсын, уӕддӕр-иу фынӕйы размӕ цалдӕр стихы уӕддӕр бакӕс. Алы бон дӕр цалдӕр стихы куы кӕсай, уӕд дын уый дӕр стыр пайда ӕрхӕсдзӕн (1 Пет. 2:2).