ଅନ୍ୟମାନଙ୍କର ଉତ୍ସାହ ବଢ଼ାନ୍ତୁ

ଯେବେ ଆମେ ନିଜ ଭାଇଭଉଣୀମାନଙ୍କ ସାଙ୍ଗରେ ସମୟ ବିତାଉ, ତେବେ ଆମ ସମସ୍ତଙ୍କୁ ବହୁତ ଉତ୍ସାହ ମିଳିଥାଏ । କିନ୍ତୁ କେବଳ ସେମାନଙ୍କ ସାଙ୍ଗରେ ରହିବା ଯଥେଷ୍ଟ ନୁହେଁ । ପରସ୍ପରର ଉତ୍ସାହ ବଢ଼ାଇବା ପାଇଁ ଆମକୁ ଆଉ କିଛି କରିବାକୁ ପଡ଼ିବ । ପରସ୍ପରର ବିଶ୍ୱାସକୁ ଦୃଢ଼ କରିବାର ଦକ୍ଷତାକୁ ବାଇବଲରେ ଈଶ୍ୱରଙ୍କ “ଆତ୍ମିକ ଦାନ” ବା ଉପହାର କୁହାଯାଇଛି । (ରୋମୀ. ୧:୧୧, ୧୨) ଆମେ କିପରି ଏହି ଉପହାରର ଭଲ ବ୍ୟବହାର କରିପାରିବା ?

ଉତ୍ସାହ ବଢ଼ାଉଥିବା କଥାଗୁଡ଼ିକ କହନ୍ତୁ । ଯେପରି, ସଭାଗୁଡ଼ିକରେ ଉତ୍ତର ଦେବା ସମୟରେ ଆମେ ଏପରି ଉତ୍ତର ଦେବା ପାଇଁ ଚେଷ୍ଟା କରିପାରିବା, ଯେଉଁଥିରୁ ଭାଇଭଉଣୀମାନଙ୍କ ଧ୍ୟାନ ଆମ ଉପରେ ନ ଯାଉ । ଏହା ପରିବର୍ତ୍ତେ ସେମାନଙ୍କର ଧ୍ୟାନ ଯିହୋବା, ତାଙ୍କ ବାକ୍ୟ ବାଇବଲ ଓ ତାଙ୍କ ବିଶ୍ୱସ୍ତ ସେବକମାନଙ୍କ ଉପରେ ଯାଉ । ଭାଇଭଉଣୀମାନଙ୍କ ସାଙ୍ଗରେ କଥା ହେବା ବେଳେ ମଧ୍ୟ ଆମେ ଏପରି ବିଷୟଗୁଡ଼ିକ ଉପରେ କଥା ହୋଇପାରିବା, ଯେଉଁଥିରୁ ତାଙ୍କର ଉତ୍ସାହ ବଢ଼ିବ ।

ନିଜ ନିଷ୍ପତ୍ତି ଓ କାମରୁ ଅନ୍ୟମାନଙ୍କର ଉତ୍ସାହ ବଢ଼ାନ୍ତୁ । ଆମେ ଏହା କିପରି କରିପାରିବା ? କିଛି ଭାଇଭଉଣୀ ସମସ୍ୟାଗୁଡ଼ିକ ସତ୍ତ୍ୱେ ପୂର୍ଣ୍ଣ ସମୟର ସେବା କରିବାର ନିଷ୍ପତ୍ତି ନିଅନ୍ତି । ଆଉ କିଛି ଭାଇଭଉଣୀଙ୍କ ସ୍ୱାସ୍ଥ୍ୟ ଭଲ ରହେନି କିମ୍ବା ଚାକିରିରେ ଏତେ କାମ ରହେ ଯେ ସେମାନେ ପୂରାପୂରି ଥକିଯାʼନ୍ତି, ତଥାପି ସେମାନେ ସଭା ପାଇଁ ଆସନ୍ତି । ଏପରି କରି ଏହି ଭାଇଭଉଣୀ ନିଜ ଉଦାହରଣରୁ ଅନ୍ୟମାନଙ୍କର ଉତ୍ସାହ ବଢ଼ାନ୍ତି ।

କʼଣ ଆପଣ ନିଜ କଥା ଓ କାମରୁ ଭାଇଭଉଣୀମାନଙ୍କ ଉତ୍ସାହ ବଢ଼ାନ୍ତି ? ଆଉ ଯେବେ ଅନ୍ୟମାନେ ଆପଣଙ୍କୁ ପରମେଶ୍ୱରଙ୍କ ତରଫରୁ “ଆତ୍ମିକ ଦାନ” ଦିଅନ୍ତି, ତେବେ କʼଣ ଆପଣ ତାହାକୁ ସ୍ୱୀକାର କରନ୍ତି ?