୧୪–୨୦ ଜୁଲାଇ

• ହିତୋ ୨୨:୨୯—ମଣ୍ଡଳୀରେ ଯେକୌଣସି କାମ କରିବା ସମୟରେ ଆମେ ଏହି ସିଦ୍ଧାନ୍ତକୁ କିପରି ମାନିପାରିବା ? ଏପରି କଲେ ଆମକୁ କʼଣ ଲାଭ ହେବ ? (ପ୍ର୨୧.୦୮-ହି ପୃ ୨୨-୨୩ ¶୧୧)

  ଉତ୍ତର

• ଏ ସପ୍ତାହର ଅଧ୍ୟାୟରୁ ଆପଣ ଆଉ କʼଣ କʼଣ ଶିଖିଲେ ?

  ଉତ୍ତର

ପିଲାମାନଙ୍କର ଲାଳନପାଳନ କରିବା ସମୟରେ ବହୁତ ଧୈର୍ଯ୍ୟ ଧରିବାକୁ ପଡ଼େ । ବାପାମାଆଙ୍କୁ ଏହା ଜାଣିବା ଜରୁରୀ ଯେ ତାଙ୍କ ପିଲାମାନଙ୍କ ଜୀବନରେ କʼଣ ଚାଲିଛି । ତେଣୁ ସେମାନଙ୍କୁ ନିୟମିତ ଭାବେ ନିଜର ପିଲାମାନଙ୍କ ସହ ଭଲ ସମୟ ବିତାଇବା ଉଚିତ୍‌ । ଏଥିସହ ସେମାନେ ଧ୍ୟାନ ଦେବା ଉଚିତ୍‌ ଯେ ନିଜର ପିଲାମାନଙ୍କ ସହ କଥା ହେବା ସମୟରେ ସେମାନଙ୍କୁ ଅନ୍ୟମନସ୍କ ରହିବା ଉଚିତ୍‌ ନୁହେଁ । (ଦ୍ୱିବି ୬:୬, ୭) ପିଲାମାନଙ୍କ ମନରେ କʼଣ ଚାଲିଛି, ଏହା ଜାଣିବା ପାଇଁ ବାପାମାଆଙ୍କୁ କିଛି ପ୍ରଶ୍ନ ପଚାରିବାକୁ ପଡ଼ିବ ଓ ସେମାନଙ୍କର କଥା ଧ୍ୟାନର ସହ ଶୁଣିବାକୁ ପଡ଼ିବ । (ହିତୋ ୨୦:୫) ଅନେକ ଥର ହୁଏତ ପିଲାମାନେ ତୁରନ୍ତ ବୁଝିପାରିବେ ନାହିଁ ଯେ ତାଙ୍କର ବାପାମାଆ ସେମାନଙ୍କୁ କʼଣ କହିବା ପାଇଁ ଚାହୁଁଛନ୍ତି, ତେଣୁ ସେମାନେ ତାହା ମାନିବେ ନାହିଁ । ହୁଏତ ଏପରି ସମୟରେ ବାପାମାଆଙ୍କୁ ବାରମ୍ବାର ସେମାନଙ୍କୁ ସେହି କଥାକୁ ବୁଝାଇବାକୁ ପଡ଼ିବ ।

କିନ୍ତୁ ଧୈର୍ଯ୍ୟ ଧରିବାର ଅର୍ଥ ଏହା ନୁହେଁ ଯେ ବାପାମାଆମାନେ ନିଜ ପିଲାଙ୍କର ଭୁଲକୁ ଅଣଦେଖା କରନ୍ତୁ । ଯିହୋବା, ବାପାମାଆମାନଙ୍କୁ ନିଜର ପିଲାମାନଙ୍କୁ ଏହା କହିବା ପାଇଁ ଅଧିକାର ଦେଇଛନ୍ତି ଯେ ତାଙ୍କର ପିଲାମାନେ କʼଣ କରିପାରିବେ ଓ କʼଣ ନୁହେଁ । ଆଉ ଯଦି ପିଲାମାନେ କଥା ଶୁଣନ୍ତି ନାହିଁ, ତାହେଲେ ସେମାନଙ୍କୁ ସୁଧାରିବା ଉଚିତ୍‌ ।—ହିତୋ ୬:୨୦; ୨୩:୧୩.

ଏଫିସୀୟ ୪:୩୧ ପଢ଼ନ୍ତୁ । ତାʼପରେ ଲୋକମାନଙ୍କୁ ପଚାରନ୍ତୁ:

• ପିଲାମାନଙ୍କୁ ସୁଧାରିବା ସମୟରେ ବାପାମାଆମାନଙ୍କୁ କାହିଁକି ରାଗିବା ଉଚିତ୍‌ ନୁହେଁ ?

  ଉତ୍ତର

ଗାଲାତୀୟ ୬:୭ ପଢ଼ନ୍ତୁ । ତାʼପରେ ଲୋକମାନଙ୍କୁ ପଚାରନ୍ତୁ:

• ବାପାମାଆମାନେ ନିଜର ପିଲାମାନଙ୍କୁ କାହିଁକି ଏହା ଶିଖାଇବା ଉଚିତ୍‌ ଯେ ଯଦି ସେମାନେ ଖରାପ କାମ କରିବେ, ତାହେଲେ ସେମାନଙ୍କୁ ତାହାର ଖରାପ ପରିଣାମ ଭୋଗିବାକୁ ପଡ଼ିବ ?

  ଉତ୍ତର

‘ଧୈର୍ଯ୍ୟର ସହ ପ୍ରେମରେ ପରସ୍ପର ପ୍ରତି ସହନଶୀଳ ହୁଅ’—ପିଲାମାନଙ୍କର ଭିଡିଓ ଦେଖାନ୍ତୁ । ତାʼପରେ ଲୋକମାନଙ୍କୁ ପଚାରନ୍ତୁ:

• ଏହି ଭିଡିଓରୁ ଆପଣ କʼଣ ଶିଖିଲେ ?

  ଉତ୍ତର