୯-୧୫ ଜୁନ୍‌

• ହିତୋ ୧୭:୨୪—“ମୂର୍ଖର ଦୃଷ୍ଟି ପୃଥିବୀର ପ୍ରାନ୍ତରେ ଥାଏ” ଏହାର ଅର୍ଥ କʼଣ ? (ଇନସାଇଟ୍‌-୧ ପୃ ୭୯୦ ¶୨)

  ଉତ୍ତର

• ଏ ସପ୍ତାହର ଅଧ୍ୟାୟରୁ ଆପଣ ଆଉ କʼଣ କʼଣ ଶିଖିଲେ ?

  ଉତ୍ତର

ଗୋଟିଏ ପରିବାର ତେବେ ଖୁସିରେ ରହିପାରିବ, ଯେବେ ପରିବାରର ସମସ୍ତେ ପରସ୍ପର ସହିତ ଭଲ କଥାବାର୍ତ୍ତା ହେବେ । ଯଦି ପରିବାର ଲୋକ ପରସ୍ପରକୁ ନିଜ ମନକଥା ଖୋଲିକି କହିବେ, ତାହେଲେ ସେମାନେ ଅନେକ କାମ ସାଙ୍ଗରେ ମିଶି କରିପାରିବେ ଓ ସମସ୍ୟା ସମୟରେ ପରସ୍ପରକୁ ସାହାଯ୍ୟ ମଧ୍ୟ କରିପାରିବେ । (ହିତୋ ୧୫:୨୨) ତାହେଲେ ଆପଣ ଏପରି କʼଣ କରିପାରିବେ, ଯାହାଦ୍ୱାରା ପରିବାରର ସମସ୍ତେ ନିଜ ମନକଥା ଖୋଲିକି କହିବେ ?

ସାଙ୍ଗରେ ସମୟ ବିତାନ୍ତୁ । (ଦ୍ୱିବି ୬:୬, ୭) ଯେବେ ପରିବାର ଲୋକ ସାଙ୍ଗରେ ମିଶି କାମ କରନ୍ତି, ସଭାକୁ ଯାʼନ୍ତି, ପ୍ରଚାର କରନ୍ତି ଓ ସାଙ୍ଗରେ ମିଶି ହସମଜା କରନ୍ତି, ତେବେ ସେମାନଙ୍କ ମଧ୍ୟରେ ପ୍ରେମ ଓ ଭରସା ବଢ଼େ । ଏହି ସୁଯୋଗରେ ସେମାନେ ପରସ୍ପର ସହିତ ଭଲ କଥାବାର୍ତ୍ତା ବି ହୋଇପାରନ୍ତି । କିନ୍ତୁ ବେଳେବେଳେ ଆପଣ ଯାହା ଚାହାନ୍ତି ସେପରି ହୁଏନି, ବରଂ ଆପଣଙ୍କୁ ନିଜ ପରିବାରର ଇଚ୍ଛା ଅନୁସାରେ କରିବାକୁ ପଡ଼ିପାରେ । ଏପରି ସମୟରେ ଯଦି ଆପଣ ଖୁସିର ସହ ସେମାନେ ଯାହା ଚାହାନ୍ତି ସେପରି କରିବେ, ତେବେ ଏଥିରୁ ବହୁତ ଲାଭ ହେବ । (ଫିଲିପ୍‌ ୨:୩, ୪) ଆପଣଙ୍କ ପରିବାର ସାଙ୍ଗରେ ଥିବା ବେଳେ କିପରି ସମସ୍ତେ ଭଲରେ କଥାବାର୍ତ୍ତା ହୋଇପାରିବେ ?—ଏଫି ୫:୧୫, ୧୬.

ପରିବାରରେ ଶାନ୍ତି ପାଇବା ପାଇଁ ନକ୍ସା ଅନୁସାରେ ଚାଲନ୍ତୁ—ଖୋଲିକି କଥାବାର୍ତ୍ତା ହୁଅନ୍ତୁ ଭିଡିଓ ଦେଖାନ୍ତୁ । ତାʼପରେ ଲୋକମାନଙ୍କୁ ପଚାରନ୍ତୁ:

• ପରିବାର ଲୋକଙ୍କ ସହିତ କଥାବାର୍ତ୍ତା ହେବା ସମୟରେ ଯଦି ଆମେ ଫୋନ୍‌ କିମ୍ବା ଅନ୍ୟ ଉପକରଣରେ ଲାଗି ରହିବା, ତାହେଲେ ଏହାର କʼଣ ପ୍ରଭାବ ପଡ଼ିପାରେ ?

  ଉତ୍ତର

• ଏହି ଭିଡିଓରୁ ଆପଣ ଭଲ କଥାବାର୍ତ୍ତା ହେବା ବିଷୟରେ କʼଣ ଶିଖିଲେ ?

  ଉତ୍ତର

ଧ୍ୟାନର ସହ ଶୁଣନ୍ତୁ । (ଯାକୁ ୧:୧୯) ଯେବେ ବାପାମାଆମାନେ ନିଜ ପିଲାମାନଙ୍କୁ ଭୁଲ ବୁଝିବେ ନାହିଁ ଓ ତାଙ୍କ ଉପରେ ରାଗିବେ ନାହିଁ, ତେବେ ଯାଇ ପିଲାମାନେ ନିଜ ମନକଥା ଖୋଲିକି କହିପାରିବେ । ସେଥିପାଇଁ ଯେବେ ଆପଣଙ୍କ ପିଲା ଆପଣଙ୍କୁ କିଛି ଏପରି କଥା କହେ ଯାହା ଶୁଣି ଆପଣଙ୍କୁ ଆଶ୍ଚର୍ଯ୍ୟ ଲାଗେ, ତେବେ ମଧ୍ୟ ତାʼ ଉପରେ ରାଗନ୍ତୁ ନାହିଁ । (ହିତୋ ୧୭:୨୭) ଏହା ପରିବର୍ତ୍ତେ ଆପଣ ତାʼକଥା ଧ୍ୟାନର ସହ ଶୁଣନ୍ତୁ ଓ ତାʼ ଚିନ୍ତାଧାରା ଏବଂ ଭାବନା ବୁଝିବା ପାଇଁ ଚେଷ୍ଟା କରନ୍ତୁ । ତାହେଲେ ଆପଣଙ୍କ ପିଲା ବୁଝିପାରିବ ଯେ ଆପଣ ତାକୁ ପ୍ରେମ କରନ୍ତି ଓ ଆପଣ ତାକୁ ସାହାଯ୍ୟ କରିପାରିବେ ।