ଖ୍ରୀଷ୍ଟୀୟ ଜୀବନଯାପନ କରନ୍ତୁ
ବୁଝିବିଚାରି କାମ କରିବାର ଶକ୍ତିକୁ ତାଲିମ ଦେବା ଜାରି ରଖନ୍ତୁ
ଜଣେ ଖେଳାଳୀକୁ ଲଗାତାର ବ୍ୟାୟାମ କରିବାକୁ ହୁଏ, ଯାହାଫଳରେ ସେ ସବୁବେଳେ ଭଲ ଖେଳି ପାରିବ । ଠିକ୍ ସେହିପରି ଆମକୁ ମଧ୍ୟ ନିଜ ବୁଝିବିଚାରି କାମ କରିବାର ଶକ୍ତିକୁ ତାଲିମ ଦେବା ଜାରି ରଖିବା ଉଚିତ୍ । ତେବେ, ଆମେ ଏହି ଶକ୍ତିକୁ ଭଲଭାବେ ବ୍ୟବହାର କରିପାରିବା । (ଏବ୍ରୀ ୫:୧୪) ଅନ୍ୟମାନେ ଯାହା ନିଷ୍ପତ୍ତି ନେଇଛନ୍ତି ସେହି ନିଷ୍ପତ୍ତି ନେବା ଆମକୁ ସହଜ ଲାଗିପାରେ । କିନ୍ତୁ ଏପରି କରିବା ପରିବର୍ତ୍ତେ ଆମେ ନିଜେ ଭାବିଚିନ୍ତି ସଠିକ୍ ନିଷ୍ପତ୍ତି ନେବା ଉଚିତ୍ । ଏହା କାହିଁକି ଜରୁରୀ ? କାରଣ ଆମ ପ୍ରତ୍ୟେକଙ୍କୁ ନିଜ ନିଷ୍ପତ୍ତିଗୁଡ଼ିକ ପାଇଁ ଈଶ୍ୱରଙ୍କୁ ହିସାବ ଦେବାକୁ ହେବ ।—ରୋମୀ ୧୪:୧୨.
ଆମେ ଅନେକ ବର୍ଷ ହେଲା ସତ୍ୟରେ ଅଛୁ କିନ୍ତୁ ଆମର ସବୁ ନିଷ୍ପତ୍ତି ସଠିକ୍ ହେବ ବୋଲି ଭାବିବା ଉଚିତ୍ ନୁହେଁ । ସଠିକ୍ ନିଷ୍ପତ୍ତି ନେବା ପାଇଁ ଆମେ ଯିହୋବା, ତାହାଙ୍କ ବାକ୍ୟ ଓ ତାହାଙ୍କ ସଂଗଠନର ପରାମର୍ଶ ମାନିବା ଉଚିତ୍ ।—ଯିହୋ ୧:୭, ୮; ହିତୋ ୩:୫, ୬; ମାଥି ୨୪:୪୫.
“ଉତ୍ତମ ବିବେକ ରଖନ୍ତୁ” ନାମକ ଭିଡିଓ ଦେଖାନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ ।
ଏମାଙ୍କୁ କʼଣ ନିଷ୍ପତ୍ତି ନେବାର ଥିଲା ?
ଜଣେ ବ୍ୟକ୍ତି ନିଜ ବିବେକ ଅନୁସାରେ ନିଷ୍ପତ୍ତି ନେବା ସମୟରେ ଆମେ କାହିଁକି ତାଙ୍କୁ ନିଜ ମତ ଦେବା ଉଚିତ୍ ନୁହେଁ ?
ଜଣେ ଭାଇ ଓ ତାଙ୍କ ପତ୍ନୀ ଏମାଙ୍କୁ କʼଣ ପରାମର୍ଶ ଦେଲେ ?
ସଠିକ୍ ନିଷ୍ପତ୍ତି ନେବା ପାଇଁ ଏମାଙ୍କୁ ଭଲ ତଥ୍ୟ କେଉଁଠାରୁ ମିଳିଲା ?