ଯାହା କେବେ ହେବ ନାହିଁ ପୁରୁଣା !

ଅନେକ ବର୍ଷ ପର୍ଯ୍ୟନ୍ତ ସର୍ବସାଧାରଣଙ୍କ ପାଇଁ ପ୍ରହରୀଦୁର୍ଗ ଓ ସଜାଗ ହୁଅ ! ପତ୍ରିକାର ପ୍ରତ୍ୟେକ ସଂଖ୍ୟାରେ ଭିନ୍ନ ଭିନ୍ନ ବିଷୟ ଉପରେ ତଥ୍ୟ ଦିଆଯାଉଥିଲା । କିନ୍ତୁ ୨୦୧୮ରୁ ଗୋଟିଏ ସଂଖ୍ୟାରେ ଗୋଟିଏ ବିଷୟ ଉପରେ ତଥ୍ୟ ଦିଆଯାଉଛି । ୨୦୧୮ରୁ ପ୍ରକାଶିତ ହୋଇଥିବା ଏହି ପତ୍ରିକାଗୁଡ଼ିକ ଆମ “ଶିକ୍ଷା ଉପକରଣ ବକ୍ସରେ” ଅଛି । ତେଣୁ ପ୍ରଚାର କରିବା ସମୟରେ ଆମେ ଏଗୁଡ଼ିକୁ ଦେଇପାରିବା । ଯେତେବେଳେ ଆମେ କୌଣସି ଜାଗାକୁ ଯାତ୍ରା କରୁ କିମ୍ବା ବଜାରକୁ ଯାଉ, ସେତେବେଳେ ଆମେ କିଛି ପତ୍ରିକା ନିଜ ପାଖରେ ରଖିପାରିବା । ଏହା ସତ ଯେ ଏହି ପତ୍ରିକାଗୁଡ଼ିକ ସାହାଯ୍ୟରେ ଆମେ ବାଇବଲ ଅଧ୍ୟୟନ କରି ନ ଥାଉ, କିନ୍ତୁ ହୁଏତ ଏଗୁଡ଼ିକୁ ପଢ଼ି କାହାରିକୁ ଈଶ୍ୱରଙ୍କ ବିଷୟରେ ଜାଣିବାକୁ ଇଚ୍ଛା ଲାଗିପାରେ ।

ଜଣେ ବ୍ୟକ୍ତିଙ୍କ ସହ କଥା ଆରମ୍ଭ କରିବା ପରେ ଗୋଟିଏ ପଦ ପଢ଼ନ୍ତୁ । ତାʼପରେ ଏପରି କୌଣସି ପତ୍ରିକା ବିଷୟରେ କୁହନ୍ତୁ, ଯାହାର ବିଷୟ ପ୍ରତି ତାଙ୍କ ଆଗ୍ରହ ଥିବ । ଯେପରି, ଯଦି ତାଙ୍କ ପିଲା ଅଛନ୍ତି କିମ୍ବା ସେ କୌଣସି କାରଣରୁ ଚିନ୍ତାରେ ଅଛନ୍ତି, ତେବେ ଆପଣ ଏପରି କିଛି କହିପାରିବେ: “ମୁଁ ଏବେ ଏବେ ଏହି ବିଷୟରେ ଗୋଟିଏ ବହୁତ ବଢ଼ିଆ ଲେଖା ପଢ଼ିଥିଲି । କʼଣ ମୁଁ ଆପଣଙ୍କୁ ତାହା ଦେଖାଇପାରିବି ?” ଯଦି ସେ ତାହା ପଢ଼ିବାକୁ ଚାହାନ୍ତି, ତେବେ ଆପଣ ତାଙ୍କୁ ସେହି ପତ୍ରିକା ଦେଇପାରିବେ । କିମ୍ବା ଆପଣ ତାହା ଇ-ମେଲ୍‌ କିମ୍ବା ମେସେଜ୍‌ ଦ୍ୱାରା ପଠାଇପାରିବେ । ଆପଣ ଚାହିଁଲେ ପ୍ରଥମ ସାକ୍ଷାତରେ ହିଁ ପତ୍ରିକା ଦେଇପାରିବେ । ଏହା ସତ ଯେ ଆମ ଉଦ୍ଦେଶ୍ୟ କେବଳ ପତ୍ରିକା ଦେବା ନୁହେଁ, କିନ୍ତୁ ଏହିପରି ଭାବେ ଆମେ ଏପରି ଲୋକମାନଙ୍କୁ ଖୋଜିପାରିବା, ଯେଉଁମାନେ ଈଶ୍ୱରଙ୍କ ବିଷୟରେ ଶିଖିବାକୁ ଚାହାନ୍ତି ଏବଂ ସଠିକ୍‌ ରାସ୍ତାରେ ଚାଲିବାକୁ ଚାହାନ୍ତି ।—ପ୍ରେରି ୧୩:୪୮.

୨୦୧୮

୨୦୧୯

୨୦୨୦