ଖ୍ରୀଷ୍ଟୀୟ ଜୀବନଯାପନ କରନ୍ତୁ
ପ୍ରକୃତ ପ୍ରେମ କʼଣ?
ଯେତେବେଳେ ଯିହୋବା ବିବାହ ବନ୍ଧନର ଆରମ୍ଭ କଲେ, ସେ ଚାହୁଁଥିଲେ ଯେ ଏହା ପତିପତ୍ନୀଙ୍କ ମଧ୍ୟରେ ସାରା ଜୀବନର ବନ୍ଧନ ହେଉ। (ଆଦି ୨:୨୨-୨୪) କେବଳ ଗୋଟିଏ ଆଧାରରେ ହିଁ ଛାଡ଼ପତ୍ର ଦିଆଯାଇପାରିବ ଏବଂ ତାହା ହେଉଛି, ଅନୈତିକ ଯୌନ ସମ୍ପର୍କ। (ମଲାଖି ୨:୧୬; ମାଥି ୧୯:୯) ଯିହୋବା ଚାହାନ୍ତି ଯେ ଲୋକେ ନିଜ ପାରିବାରିକ ଜୀବନରେ ଖୁସିରେ ରହନ୍ତୁ। ତେଣୁ ସେ କିଛି ସିଦ୍ଧାନ୍ତ ଦେଇଛନ୍ତି, ଯାହା ସାହାଯ୍ୟରେ ଖ୍ରୀଷ୍ଟିୟାନମାନେ ବୁଝିବିଚାରି ନିଜ ଜୀବନସାଥୀ ବାଛିପାରିବେ ଏବଂ ନିଜ ସାଥୀଙ୍କ ସହିତ ଖୁସିରେ ରହିପାରିବେ।—ଉପ ୫:୪-୬.
ଏହା ପ୍ରେମ ନା ବିମୋହନ? (ହିନ୍ଦୀ) ନାମକ ଭିଡିଓ ଦେଖନ୍ତୁ। ତାʼପରେ ଏହି ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
ଡେଟିଙ୍ଗ୍ କରିବାର ଉପଯୁକ୍ତ ବୟସ କେତେ ହୋଇପାରେ?
ଆକର୍ଷଣ, ବିମୋହନ ଓ ପ୍ରକୃତ ପ୍ରେମ ମଧ୍ୟରେ ପାର୍ଥକ୍ୟ କʼଣ?
ଏହା ଭାବିବା କାହିଁକି ମୂର୍ଖାମି ହେବ ଯେ ବିବାହ ଉଦ୍ଦେଶ୍ୟରେ ଆପଣ ଯେଉଁ ବ୍ୟକ୍ତିଙ୍କୁ ସାକ୍ଷାତ କରୁଛନ୍ତି, ତାଙ୍କୁ ଆପଣ ପରିବର୍ତ୍ତନ କରିପାରିବେ?
ଭୌତିକ ଜିନିଷଗୁଡ଼ିକ ପ୍ରତି ଯଦି ଜଣେ ବ୍ୟକ୍ତିଙ୍କ ଦୃଷ୍ଟିକୋଣ ସଠିକ୍ ନୁହଁ, ତେବେ ଏହା ତାଙ୍କ ବୈବାହିକ ଜୀବନରେ କିପରି ପ୍ରଭାବ ପକାଇପାରେ?
ଯିହୋବାଙ୍କ ସେବାରେ ଏକାଭଳି ଲକ୍ଷ୍ୟ ରଖିବା ଦ୍ୱାରା ପତିପତ୍ନୀଙ୍କ ମଧ୍ୟରେ ସମ୍ପର୍କ କିପରି ମଜବୁତ୍ ହୁଏ?
କୌଣସି ବ୍ୟକ୍ତିଙ୍କୁ ବିବାହ କରିବା ପୂର୍ବରୁ ତାଙ୍କ ‘ହୃଦୟର ଗୁଯ୍ତ ସ୍ୱଭାବକୁ’ ଜାଣିବା କାହିଁକି ଜରୁରୀ? (୧ପିତ ୩:୪)
ପ୍ରକୃତ ପ୍ରେମ କʼଣ? (୧କରି ୧୩:୪-୮)