Mɛnɛ Devid bee suāloo Jɛhova sa ye dɛɛa nyɔɔ. Sɔ̄ Mɛnɛ Sɔɔl le pya dɔɔ̄na aa bee kponia Devid sa gbī efɛ ye, Devid bee yere kara nɛ Jɛhova sa kɔ a yereebah ye nɛ. Sɔ̄ Bari e’agara ye kara sa ye zuura lɛɛ kɛ̄bah pya ye baa, Devid bee kɔ: “Jɛhova le dum!” (Yɔɔ 18:46) Pya ue Devid kɔ ama tɔgɛ kɔ Devid naa bee aadee kɛɛrɛ kɔ Bari le. Ziī kpa a kɔ ue nyɔɔ dɔ ama kɔ Devid aa bee tɔgɛ kɔ a dɛrɛe nyiɛ nyɔɔ Jɛhova, lo kpa kɔ “a bee ye ɛp doodoo Bari a le dum lo a wee bebe bee pya ye nɛɛ dɛ̄dɛɛ̄ sɔ̄.” Bu kaka, pya nu Devid bee tɛɛ̄bu bee doo kɔ a muɛ kɔ ye Bari le dum, e wo bee ye yere mɛmloo kɔ a kiisī lo etaāŋabah Jɛhova. (Yɔɔ 18:​28, 29, 49) Sɔ̄ i suā leere kɔ Jɛhova lu Bari a le dum dap i yerebah nɛ kɔ i su mɛm ye siātam nɛ. E edoonage kɔ i ɛrɛ mɛm sa kiisī lo e’egerebu kɛ̄bah pya i taāŋa, sa ezūnage i kɔ i kiisī lo esitam ye nɛ. E edoonage kɔ i biaɛfii lo etɔɔ̄ bialoo Jɛhova. w24.06 20-21 ¶3-4

Ena i dap nɔ aāloo pya ue nɛɛ lɛɛratam Pɔɔl bee kɔ nɛ pya wuga a bee le Tɛsalɔnaika a? Sɔ̄ i dā ziī ue alu kee loo nu i ebee nɔ aābu Baibol ale sɔ̄ i dā ziī ue alu nyɛŋia pya nɛɛ kɔ, alu ebɛɛ̄ kɔ i nwaɛ̄dɛɛ̄. Bu barasī Soviet Union a kere, pya i baa bee ɛm ziī lɛta sa nɛ pya wuga, e ba bee ɛm lo lɛta bu sīdee a le doodoo bee a aa i beekɛ̄. Lo lɛta bee kɔ nɛ pya wuga kɔ ba a pooa sa ɛrɛ dɔɔ̄na bɔŋanaloo nyɔɔ wa loo. Lo lɛta bee bee kɔ alu taɛ lɛta a aa i beekɛ̄. Mɛ kerewo, lɛta ama naa bee dap dag pya wuga a bɔ ture nyiɛ loo. Ba bee suā kɔ pya yereue a le bu lo lɛta naa gbaaloo pya nu ebee lu etɔgɛ wa. Nii’ee, pio sɔ̄ pya a baaloo kaka ue gbī ekwɔ i sa i poo tɛ̄maloo pio ue ba yere nyɔɔ intanɛt, tɛ̄ma bu kɔmputa ale fon. Taā i “nwaābah nyɔŋa aa bu [i] ekɛɛrɛ,” i dap kpega i loo tɛ̄maloo edasī kɛɛrɛ sa gbītɛ̄ lo a le nu i dā ale nu i buū gbaageloo pya kaka ue i ebee nɔ naa e.—2 Tɛs 2:2; 1 Jɔn 4:1. w24.07 12 ¶14-15

Biaɛfii a kuī nɛɛ dap doo na lo ekiīloo nɛ Jɛhova sa lu ziī yɛɛ pya ye butɔ a gaa ye taāŋabah. Jɛhova gbī kɔ dɛ̄dɛɛ̄ nɛɛ a doo wo. Ena anua a? A gbī kɔ ba a nyɔɔnɛ ye ɛrɛ kaāna gbānialoo sa tɔɔ̄dum mmɛ dɛ̄dɛɛ̄. Kerewo, Jɛhova naa su bah-ekpo aā lɔgɔ nɛɛ kɔ a taāŋa ye bah. A lɛɛbahloo ziī ziī nɛɛ kɔ a sagɛ nu edoo. E lo a le ziī Nɛɛ Kraist eliamaā gbee lok Bari sa si gbɛnɛ pɔrɔ ni a? Lo a naa kiiya aaloo ye pɔrɔ, ɛrɛ elu elɛɛ ye bu bɔŋanaloo. (1 Kɔr 5:13) Mɛ kerewo, Jɛhova bɛābu kɔ nɛɛ a bee doo pɔrɔ a e’obia ye lu loo. Taɛ nu anua a bee nɛ waara zɔɔ a’agara lo, lokwa a dap lu e’aaloo pɔrɔ nɛ pya a kiiya. I Bari a ɛrɛ wereloo gaa zū pya a bee si pɔrɔ kɔ ba a kiiya.—Zek 1:3; Rom 2:4; Jem 4:8. w24.08 14 ¶1-2