Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo August 26, 2013 la anu. Bɛhile kenle mɔɔ bɛbazuzu edwɛkɛ biala anwo la amaa bɛahola bɛayɛ nwolɛ neɛnleanu wɔ mekɛ mɔɔ bɛlɛsiezie bɛ nwo bɛamaa sukulu ne dapɛne biala la.

1. Debie mɔɔ hyia la boni a yɛsukoa yɛfi Belemgbunli Hɛlɔdo mɔɔ manle menli yeyɛle ye na bɛwulale ye anyunlunyia la anu a? (Gyi. 12:21-23) [July 1, w08-E 5/15 m. 32 ɛden. 7]

2. Kɛzi Keleseɛne mgbavolɛ suzu Temɔte neazo ne anwo na bɛdi ɔ nzi a, ɔbaboa bɛ ɛ? (Gyi. 16:1, 2) [July 8, w08-E 5/15 m. 32 ɛden. 10]

3. Mekɛ mɔɔ bɛdele kɛ Apɔlɔso ‘dendɛle akɛnrasesebɛ zo kpalɛ’ wɔ Ɛfɛsɛse nyianu sua ne anu la, kɛzi Akoyela nee Pelesela vile ɛlɔlɛ nu boale ye ɛ? (Gyi. 18:24-26) [July 15, w10-E 6/15 m. 11 ɛden. 4]

4. Ngyinlazo boni a wɔ ɛkɛ maa Gyihova Alasevolɛ kɛ bɛkola bɛkɔ kɔɔto bɛmaa bɛbɔ adenle mɔɔ bɛlɛ bɛka edwɛkɛ ne la anwo bane ɛ? (Gyi. 25:10-12) [July 22, bt-E m. 198 ɛden. 6]

5. Kɛzi ɛzoanvolɛ Pɔɔlo hɔle zo kpondɛle ndenle lile daselɛ wɔ mekɛ bɔbɔ mɔɔ ɔla efiade wɔ Wulomu la ɛ, na kɛzi Gyihova azonvolɛ di ye neazo ne anzi ɛnɛ ɛ? (Gyi. 28:17, 23, 30, 31) [July 29, bt-E m. 215-217 ɛden. 19-23]

6. Kɛmɔti a Baebolo ne bu mrenya mɔɔ fa mrenya nee mraalɛ mɔɔ fa mraalɛ la kɛ ɔnle ye adenle zo na ɔle ninyɛndane ɛ? (Wulo. 1:26, 27) [Aug. 5, g-E 1/12 m. 28 ɛden. 7]

7. Kɛzi ‘mgbɔdalɛ mɔɔ Gyisɛse Kelaese duale’ wɔ ɛvolɛ 33 Y.M. la manle ɔbule ɔ nye ɔguale “menli ɛtane” zo ɛ? (Wulo. 3:24, 25) [Aug. 5, w08-E 6/15 m. 29 ɛden. 6]

8. Duzu a Gyihova vi ɛlɔlɛ nu ɛyɛ ɛmaa yɛ wɔ mekɛ mɔɔ yɛkɛhɔ tɛnlabelɛ mɔɔ yɛ se anu na yɛnnwu debie fɔɔnwo mɔɔ ɔwɔ kɛ yɛyɛ nwolɛ asɔne la ɛ? (Wulo. 8:26, 27) [Aug. 12, w08-E 6/15 m. 30 ɛden. 10]

9. Duzu a folɛdulɛ ne mɔɔ se, “bɛlie nyɛvolɛ wɔ bɛ azua nu” la kile a? (Wulo. 12:13) [Aug. 19, w09-E 10/15 m. 5-6 ɛden. 12-13]

10. Kɛmɔ Pɔɔlo dule nwolɛ folɛ la, kɛzi ‘yɛfa Awulae Gyisɛse Kelaese yɛyɛ konle tɛladeɛ yɛwula’ ɛ? (Wulo. 13:14) [Aug. 26, w05-E 1/1 m. 11-12 ɛden. 20-22]