Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo August 30, 2010 la anu. Sukulu zo neavolɛ ne bava mitini 20 ayɛ ndinu mɔɔ gyi July 5 kɔdwu August 30, 2010 dapɛne ne mɔ anu gyimalilɛ ne azo la.

1. Saa yɛsuzu Sɔlɔmɔn ɛzonlenlɛ sua ɛbukelɛ asɔneyɛlɛ ne anwo a, kɛzi ɔmaa yɛnyia anyezɔlɛ yɛmaa kɛzi Gyihova de la ɛ? (1 Arl. 8:22-53) [w05-E 7/1 m. 30 ɛden. 3; it-2-E m. 989 ɛden. 4]

2. Kɛmɔti a yɛbahola yɛaha ye kɛ wɔ ye nvonleɛ dɔɔnwo ne anzi, Devidi ‘yeyele ye ahonle nu’ nee Gyihova luale ɛ? (1 Arl. 9:4) [w97-E 5/1 m. 5 ɛden. 1-2]

3. Duzu ati a Hyiba belemgbunli raalɛ ne hanle hilele Sɔlɔmɔn kɛ: “Wɔ sonvolɛma ati ɛyɛ boɛ kɛ dahuu bɛtie wɔ, bɛsonle wɔ na bɛte wɔ nrɛlɛbɛ edwɛkɛ ne mɔ a.”? (1 Arl. 10:4-8) [w99-E 11/1 m. 20 ɛden. 5-7]

4. Duzu a yɛbahola yɛaha ye wɔ nɔhalɛ mɔɔ de kɛ Gyihova manle bɛziele Abaegya ɛzielɛ kpalɛ la anwo ɛ? (1 Arl. 14:13) [cl-E m. 244 ɛden. 11]

5. Duzu a manle mekɛ mɔɔ lumua mɔɔ Yilaegya hɔkpɔlale Ehabe la yɛle mɔɔ nwolɛ hyia ɛ? (1 Arl. 17:1) [w08-E 4/1 m. 19, ɛlɛka]

6. Duzu a Yilaegya edwɛkɛ mɔɔ ɔhanle kɛ “bɛyɛ bɛ adwenle nwiɔ nwiɔ” la kile a? (1 Arl. 18:21) [w08-E 1/1 m. 19 ɛden. 3-4]

7. Kɛmɔ Yilaegya edwɛkɛ ne kile la, bodane boni anwo a Gyihova fa ye tumi ne di gyima maa ye azonvolɛ a? (1 Arl. 19:1-12) [cl-E m. 42-43 ɛden. 15-16]

8. Kɛmɔti a Neebɔto kpole kɛ ɔkɛdɔne ye vanye egyinli ne ɔkɛmaa Ehabe ɛ, na duzu a yɛsukoa yɛfi nu a? (1 Arl. 21:3) [w97-E 8/1 m. 13 ɛden. 18-20]

9. Adenle boni azo a Hyunɛm raalɛ ne ‘vɛle’ Yilaehya anwo a? (2 Arl. 4:13) [w97-E 10/1 m. 30 ɛden. 6-8]

10. Duzu ati a Yilaehya anlie Neeman ahyɛlɛdeɛ ne ɛ? (2 Arl. 5:15, 16) [w05-E 8/1 m. 9 ɛden. 2]