Wɔva Ɔ Nzi Ne Wɔli Gyima Ɔ?

Saa menli die magazine a, bɛta bɛnea edwɛkɛ mɔɔ wɔ zolɛ la na bɛkakyi ɔ nzi ne bɛnea ala. Kpuyia nee edwɛkɛ dɔɔnwo mɔɔ yɛ anyelielɛ nee mukelɛ mɔɔ kile ɛleka mɔɔ bɛbanwu edwɛkɛ ɛhye mɔ la wɔ The Watchtower ne mɔɔ yɛfa yɛmaa la anzi.

Yɛbahola yɛava edwɛkɛ ɛhye mɔ yɛali gyima na yɛanwu kpuyia kpalɛ mɔɔ yɛbahola yɛava yɛabɔ adwelielilɛ bo la. Saa yɛta yɛyɛ azɛlɛsinli ne anu gyima a, yɛbahola yɛava kpuyia ngakyile yɛali gyima na yɛahakyi edwɛkɛ mɔɔ yɛka la anu wɔ siane ne anu. Saa suamenle bie ɛnlɛ alagye a, yɛbahola yɛapɛ edwɛkɛ ne azo na yɛava kpuyia ne mɔɔ wɔ magazine ne anzi la yɛahile ye na yɛaha kɛ, “Ɛkulo kɛ ɛnwu mualɛ ne a, mebahola meava magazine ɛhye meamaa wɔ, na mekɛ mɔɔ ɛkɛnyia alagye la yɛaha nwolɛ edwɛkɛ dɔɔnwo.” Nolobɔlɛma bie mɔ bɛahola ava magazine ne anzi ne ahile suamenle ne, bɛamaa yeahile kpuyia mɔɔ ɔ nye die nwolɛ la na ɔlua zo bɛava bɛabɔ adwelielilɛ bo. Akee bɛbahola bɛahile ɛleka mɔɔ mualɛ ne wɔ la na bɛagenga ngɛlɛlera ko mɔɔ bɛyɛ ye nzonlɛ la. Bie a, ɛbahola wɔazuzu ndenle ngakyile mɔɔ ɛdua zo a ɛbava edwɛkɛ mɔɔ wɔ magazine ne anzi la wɔali gyima amaa menli alie The Watchtower ne la anwo.