Anyelazo Boni A Wɔ Ɛkɛ Maa Mowuamra a?

Yɛ muala yɛ alɔvolɛ wu. Noko asoo ewule pɛ debie biala azo? Bɛnrɛhakye mowuamra bieko ɔ? Anyelazo wɔ ɛkɛ maa mowuamra ɔ?

DWENLE MƆƆ BAEBOLO NE KA LA ANWO:

BƐ RƐLE ƐTƐFILE MOWUAMRA

“Bɛdabɛ mɔɔ bɛwɔ ngakyelɛ nla ne mɔ anu la kɔsɔɔti . . . bɛavinde.”​—Dwɔn 5:28, 29.

Nyamenle kakye mowuamra; menli mɔɔ wɔ ye ngakyelɛ nu la bara ngoane nu bieko.

BƐBADWAZO MOWUAMRA WƆ AZƐLƐ YE AZO

“Bɛbadwazo tenlenema nee bɛdabɛ mɔɔ bɛnle tenlenema la bɛavi ewule nu.”​—Gyima ne 24:15.

Bɛbadwazo mowuamra mgbe dɔɔnwo mɔɔ bɛlɛ anyelazo kɛ bɛbadɛnla aze dahuu wɔ anzodwolɛ nu la.

EWUDWAZO ANYELAZO NE LE NƆHALƐ

‘Nyamenle ze nwɔlɔra ne mɔ dodo, na ɔtoto bɛ kɔsɔɔti aluma.’​—Edwɛndolɛ 147:4.

Saa Nyamenle ze nwɔlɔra ne mɔ kɔsɔɔti aluma a, ɛnee ɔnrɛyɛ se kɛ ɔbahakye menli mɔɔ ɔbadwazo bɛ la.