Mɔɔ Nyamenle Belemgbunlililɛ Ne Bayɛ Ye Wɔ Yɛ Kpɔkɛdelɛ Nwo La

“COVID-19 ne mɔɔ ɛnga menli dɔɔnwo wɔ ewiade amuala la ɛngile kɛ COVID-19 ɛnle kpɔkɛdelɛ nwo ngyegyelɛ wɔ ewiade amuala.. . . Yɛdie yɛdi kɛ ewulenzane zɛhae bie bara kenle bie na ɔwɔ kɛ yɛsiezie yɛ nwo.”​—Dr. Tedros Adhanom Ghebreyesus, kpanyinli mɔɔ nea Ewiade Amuala Kpɔkɛdelɛ Fane ne azo, May 22, 2023.

Menli dɔɔnwo ɛlɛkɔ zo anwu amaneɛ wɔ bɛ nwonane nu nee bɛ adwenle nu ɔlua COVID-19 ewulenzane ne ati. Asoo arane ne mɔ nee ahyehyɛdeɛ ngakyile mɔɔ nea menli kpɔkɛdelɛ zo la baziezie bɛ nwo amaa ewulenzane bieko na bɛali yɛ kpɔkɛdelɛ nwo ngyegyelɛ nwo gyima kpalɛ ɔ?

Baebolo ne ka arane bie mɔɔ bali yɛ kpɔkɛdelɛ nwo gyima la anwo edwɛkɛ. Ɔka kɛ “anwuma Nyamenle ne bava belemgbunlililɛ [anzɛɛ arane] bie azie ɛkɛ.” (Daneɛle 2:44) Wɔ zɔhane arane ne tumililɛ bo, “maanlema ne anu biala ɛnrɛha kɛ: ‘Me nwo ɛdo me.’” (Ayezaya 33:24) Awie biala banyia kpɔkɛdelɛ kpalɛ na yeanyia anwosesebɛ kɛ kpavolɛ la.​—Dwobu 33:25.