Azɛlɛkpusulɛ Mgbole Ɛzi Wɔ Turkey Nee Syria​—Duzu A Baebolo Ne Ka A?

Wɔ Kenlenzile, February 6, 2023, azɛlɛkpusulɛ mgbole zile wɔ Turkey nee Syria.

• “Azɛlɛkpusulɛ kpole bie hunle menli mɔɔ bo 3,700 la wɔ Turkey nee Syria sɔlɔ adɔleɛ wɔ Kenlenzile ne, na maanle nu mɔɔ yɛ ɛyɛlɛ la ɛmaa menli dɔɔnwo mɔɔ ɛboda anzɛɛ bɛ azua ɛzɛkye la ɛlɛnwu amaneɛ, yɛɛ ɔlɛmaa yeayɛ se kɛ bɛbanwu menli mɔɔ bɛtɛwule la.”​—Reuters, February 6, 2023.

Yɛte esiane zɛhae mɔ anwo edwɛkɛ a ɔmaa yɛdi nyane. Wɔ mekɛ zɛhae anu, yɛfa yɛ nwo yɛto Gyihova mɔɔ le “arɛlekyekyelɛ muala Nyamenle ne” la anwo zo. (2 Kɔlentema 1:3) Ɔdua ‘ngɛlɛlera ne anu arɛlekyekyelɛ zo ɔmaa yɛnyia anyelazo.’​—Wulomuma 15:4.

Baebolo ne maa yɛnwu:

• azɛlɛkpusulɛ nwo edwɛkɛ mɔɔ bɛha bɛdo ɛkɛ la.

• Ɛleka mɔɔ yɛbanyia arɛlekyekyelɛ nee anyelazo la.

• Kɛzi Nyamenle baye amaneɛnwunlɛ kɔsɔɔti avi ɛkɛ la

Amaa wɔanwu mɔɔ Baebolo ne ka ye wɔ ɛhye mɔ anwo la, kenga edwɛkɛ ɛhye mɔ:

• “Azɛlɛkpusulɛ Mgbole​—Duzu A Baebolo Ne Hanle Dole Ɛkɛ A?”

• “Where Can I Find Hope?”

• “Ɔnrɛhyɛ Nyamenle Baye Amaneɛnwunlɛ Avi Ɛkɛ”