YƐ KILISIENE ƐBƐLABƆLƐ

Sukoa Gyihova Ɛlɔlɛ Kpundii Ne

Gyihova ɛyɛ ɛlɔlɛ kpundii nwo neazo mɔɔ tɛla biala. (Ed 103:11) Ɛlɔlɛ ɛhye ɛnle mekɛ ezinra nu nganeɛdelɛ anzɛɛ ɛlɔlɛ mɔɔ kola kakyi. Ɛlɔlɛ kpundii kile kɛ ɛfa ɛ nwo wɔabeta awie anwo dahuu. Gyihova luale ndenle ngakyile zo lale subane ɛhye ali hilele Yizilayɛma. Ɔliele bɛ ɔvile akɛlɛzonlenlɛ nu wɔ Yigyibiti na ɔvale bɛ ɔrale Ɛwɔkɛ Azɛlɛ ne azo. (Ed 105:42-44) Ɔhonle ɔliele ye menli ne na ɔvale bɛ ɛtane ɔhyɛle bɛ fane dɔɔnwo. (Ed 107:19, 20) Saa ‘yɛdwenle Gyihova ɛlɔlɛ kpundii ne anwo kpalɛ’ a, ɔbaha yɛ yɛamaa yɛazukoa ye subane kɛnlɛma ɛhye.—Ed 107:43.

Nvoninli: “Dwenle Gyihova Ɛlɔlɛ Kpundii Ne Anwo” vidio ne anu nvoninli bie mɔ. 1. Adiema Kaku nee adiema nrenyia bie ɛhɔkpɔla adiema raalɛ bie wɔ ye sua nu. 2. Adiema Kaku nee mediema mrenyia gyɛne mɔɔ bɛgua efiade la ɛlɛfa aleɛ amaa adiema bie mɔɔ ɔnde kpɔkɛ na ɔla ɛkpa zo la.

NEA “DWENLE GYIHOVA ƐLƆLƐ KPUNDII NE ANWO” VIDIO NE NA BUA KPUYA ƐHYE MƆ:

Ndenle boni mɔ a yɛbahola yɛalua zo yɛala ɛlɔlɛ kpundii ali a?

Your answer
Duzu ati a ɔwɔ kɛ yɛfa ninyɛne yɛbɔ afɔle amaa yɛahola yɛala ɛlɔlɛ kpundii ali a?

Your answer