YƐ DASELƐLILƐ GYIMA NE KPALƐ | MAA ANYELIELƐ MƆƆ ƐLƐ YE WƆ ƐZONLENLƐ GYIMA NE ANWO LA ƐYƐ KPOLE
Boa Baebolo Sukoavoma Maa Bɛhɔ Debiezukoalɛ
Asafo debiezukoalɛ le nɔhalɛ ɛzonlenlɛ foa titili. (Ed 22:22) Menli mɔɔ yia nu sonle Gyihova la amuala anye die na bɛnyia nyilalɛ. (Ed 65:4) Saa Baebolo sukoavoma ba debiezukoalɛ dahuu a bɛnyia anyuhɔlɛ ndɛndɛ.
Kɛ ɔkɛyɛ na wɔaboa wɔ Baebolo sukoavoma wɔamaa bɛara debiezukoalɛ ɛ? Kɔ zo to ɛsalɛ fɛlɛ bɛ kɛ bɛrɛla. Ye Duzu A Bɛyɛ Ye Wɔ Belemgbunlililɛ Asalo Ɛkɛ A? vidio ne kile bɛ. Kilehile nvasoɛ mɔɔ wɔ debiezukoalɛ ne mɔ azo la anu kile bɛ. (lff ɛzukoalɛdeɛ 10) Ɛbahola wɔaha ɛzukoalɛdeɛ fɔɔnwo bie mɔɔ ɛnyianle ye wɔ debiezukoalɛ bo anzɛɛ ninyɛne mɔɔ bɛbazuzu nwo wɔ debiezukoalɛ bieko abo la anwo edwɛkɛ wɔahile bɛ. Fa buluku mɔɔ bɛbazukoa la bie maa sukoavoma ne. Eza ɛbahola wɔava moalɛ gyɛne mɔɔ bɛhyia la wɔamaa bɛ. Bie a ɔwɔ kɛ ɛkɔfa bɛ ɛ nee bɛ ba. Mɔdenle biala mɔɔ ɛbabɔ amaa wɔ sukoavo ne ara debiezukoalɛ mɔɔ limoa la bazo ma.—1Kɔ 14:24, 25.
NEA BOA WƆ BAEBOLO SUKOAVOMA MAA BƐHƆ DEBIEZUKOALƐ VIDIO NE NA BUA KPUYA ƐHYE MƆ:
Mekɛ boni a Manzakyi dole ɛsalɛ vɛlɛle Rose kɛ ɔrɛla asafo debiezukoalɛ a?
Saa Baebolo sukoavo bie ba debiezukoalɛ a duzu ati a yɛ nye die a?
“Amgba Nyamenle nee bɛ de”
Kɛzi Rose dele nganeɛ wɔ mekɛ mɔɔ limoa mɔɔ ɔhɔle debiezukoalɛ la ɛ?