Kpo Ewiade Adwenle Wɔ Wɔ Atɔfolɛlielɛ Nu

Ɔwɔ kɛ Kilisienema mɔɔ ɛlɛyɛ bɛ agyalɛ ngyehyɛleɛ la si kpɔkɛ dɔɔnwo. Bie a bɛbade nganeɛ kɛ ɔwɔ kɛ bɛmaa bɛ atɔfolɛlielɛ ne yɛ hyeleenyi kɛ mɔɔ bɛyɛ ye wɔ ɛleka mɔɔ bɛde la pɛpɛɛpɛ. Agɔnwolɛma nee mbusuafoɔ noko bahile bɛ adwenle wɔ ninyɛne mɔɔ ɔwɔ kɛ bɛfa bɛboka bɛ atɔfolɛlielɛ ne anwo la anwo. Baebolo ngyinlazo boni mɔ a bahola aboa agyalɛma ne yeamaa bɛatoto ninyɛne pɛpɛɛpɛ amaa bɛ adwenle angyegye bɛ na bɛannu bɛ nwo kenle bie ɛ?

NEA ATƆFOLƐLIELƐ MƆƆ WULA GYIHOVA ANYUNLUNYIA VIDIO NE NA BUA KPUYA ƐHYE MƆ:

• Kɛzi Baebolo ngyinlazo ɛhye mɔ boale Nick yɛɛ Juliana ɛ?

  • 1Kɔ 10:31

  • 1Dw 2:15, 16

  • Ga 5:19-21

  • 1Ti 2:9

• Duzu ati a ɔwɔ kɛ menli mɔɔ bɛkulo kɛ bɛgya la maa adiema nrenyia mɔɔ ɛnyi wɔ sunsum nu la nea “atɔfolɛlielɛ ne azo” a?​—Dwn 2:9, 10.

• Kpɔkɛ boni a Nick yɛɛ Juliana zile a na duzu ati ɔ?

• Nwane a ɔle ye ɛzonlelilɛ kɛ ɔbazi atɔfolɛlielɛ ne yɛɛ ninyɛne mɔɔ bɛbava bɛalielie bɛ nye la anwo kpɔkɛ bɔkɔɔ a?​—w06-E 10/15 25 ¶10.