Kɛzi Nyamenle Edwɛkɛ Ne Sonle Bolɛ Maa Wɔ Ɛ?

Gyihova Nyamenle mɔɔ ɔhɛlɛle buluku nwuanzanwuanza ɛhye la adwenle yɛɛ ye edwɛkɛ a wɔ Baebolo ne anu a. (2Pi 1:20, 21) Bɛzi Gyihova tumililɛ ne mɔɔ ɔdua ye Belemgbunlililɛ ne azo yeamaa menli anwu kɛ ɔfɛta la azo fane dɔɔnwo. Baebolo ne maa alesama nyia kenle bie anyelazo kɛnlɛma mɔɔ ɔnrɛhyɛ ɔbara la. Baebolo ne eza maa yɛnwu yɛ anwuma Selɛ Gyihova subane ngɛnlɛma dɔɔnwo.​—Ed 86:15.

Deɛmɔti Gyihova Edwɛkɛ ne sonle bolɛ maa yɛ la gua ye ngakyile. Noko asoo yɛkile ahyɛlɛdeɛ ɛhye mɔɔ sonle bolɛ la anwo anyezɔlɛ ɔlua ɛgengalɛ mɔɔ yɛbagenga ye dahuu na yɛava yɛabɔ yɛ ɛbɛla la azo ɔ? Ɔrɛla ye kɛ yɛbamaa yɛ nyɛleɛ ahile kɛ yɛte nganeɛ mɔɔ edwɛndolɛnli ne dele la bie: “O, mekulo wɔ mɛla ne somaa!”​—Ed 119:97.

NEA ƐNEE BAEBOLO NE SONLE BOLƐ MAA BƐ VIDIO NE​—FOA BIE (WILLIAM TYNDALE) NA BUA KPUYA ƐHYE MƆ:

• 

  Duzu ati a William Tyndale hilele Baebolo ne foa bie abo a?

• Duzu ati a mɔdenle mɔɔ ɔbɔle kɛ ɔkile Baebolo ne abo la yɛ nwanwane a?

• Kɛzi bɛwuale bɛ nwo bɛvale Tyndale Baebolo ne bie bɛhɔle England ɛ?

• Kɛzi yɛ nuhua ko biala bahile kɛ Nyamenle Edwɛkɛ ne sonle bolɛ maa ye ɛ?