Maa Ɛ Nye Ɛla Ɛkɛ Wɔ Sunsum Nu Wɔ Mekɛ Mɔɔ Wɔ Tɛnlabelɛ Ne Kɛhakyi La

Kɛ ɔde ye biala la nzenzaleɛ bara, titili wɔ awieleɛ mekɛ ɛhye anu. (1Kɔ 7:31) Saa ɔle kpalɛ anzɛɛ ɔnle kpalɛ, ɛkulo anzɛɛ ɛngulo bɔbɔ a, nzenzaleɛ bahola aha yɛ ɛzonlenlɛ na yeamaa yɛ nee Gyihova abusuabɔlɛ ne anwo ara edwɛkɛ. Duzu a baboa yɛ yeamaa yɛ nye ala ɛkɛ wɔ sunsum nu wɔ mekɛ mɔɔ nzenzaleɛ kɛra la ɛ? Bɛnlea Nyi Sunsum Nu Wɔ Mekɛ Mɔɔ Wɔdu Wɔhɔ Maanle Fofolɛ Zo La vidio ne, na bɛbua kpuya ɛhye mɔ:

• Folɛdulɛ boni a adiema ko vale maanle selɛ bie a?

• Kɛzi ngyinlazo edwɛkɛ mɔɔ wɔ Mateyu 7:25 la fale abusua ne tɛnlabelɛ ne anwo ɛ?

• Kɛzi abusua ne zieziele bɛ nwo maanle bɛ adendulɛ ne ɛ, na kɛzi ɛhye boale bɛ ɛ?

• Duzu a boale abusua ne maanle bɛ nye raliele asafo ne nee azɛlɛsinli fofolɛ ne anwo a?

Nzenzaleɛ mgbole boni mɔ a meyɛ ye kenle nsa ye a?

Kɛzi mebava ngyinlazo mɔɔ wɔ vidio ne anu la meali gyima ɛ?