YƐ KILISIENE ƐBƐLABƆLƐ
Da Subane Kpalɛ Ali Wɔ Anlenkɛ Nloa
Kilisienema le menli mɔɔ ‘bɛlɛfa bɛ bɛahile ewiade ne’ a. (1Kɔ 4:9) Ɔti ɔnle kɛ ɔyɛ yɛ nwanwane kɛ suamenlema bie mɔ nea yɛ wɔ bɛ nvɛnzɛlɛ nu anzɛɛ bɛtie mɔɔ yɛka la wɔ bɛ anlenkɛ nzi la. Bie a, ɛnee suamenle ne lɛ Camera anzɛɛ microphone wɔ ye sua nu mɔɔ ɔfa ɔtie anzɛɛ ɔkye ninyɛne mɔɔ ɛlɛsi alienwo la. Ndenle mɔɔ yɛdua zo yɛda subane kpalɛ ali wɔ anlenkɛ nloa la bie mɔ a le ɛhye mɔ.—2Kɔ 6:3.
ƆLUA WƆ NYƐLEƐ ZO (Fe 1:27):
Mmatende ɛ kɔme ɛnea awuke ne anu, ɛhye bahile kɛ ɛbu suamenle ne fealera nu ninyɛne. Mmadi aleɛ, ɛno nzule, ɛfɛlɛ anzɛɛ ɛkɛlɛ edwɛkɛ ɛnwa awie wɔ anlenkɛ nloa
ƆLUA WƆ ƐDENDƐLƐ ZO (Ɛf 4:29):
Saa ɛgyi suamenle ne anlenkɛ nloa a, mmaka edwɛkɛ mɔɔ ɛnrɛhulo kɛ ɔkɛde la. Nolobɔlɛma bie mɔ bɔbɔ gyakyi adawubɔlɛ amaa bɛahola bɛadwenle mɔɔ bɛkulo kɛ bɛka la anwo