Bɛlɛbɔ edwɛkpa ne nolo wɔ Ghana
Edwɛkɛ Mɔɔ Yɛbaha La Neazo
ƐZINZALƐ ARANE
Kpuya: Menli bie mɔ dwenle kɛ Baebolo ne ɛkpa nwo, yɛɛ bie mɔ noko die di kɛ nvasoɛ wɔ zo. Kɛzi ɛdwenle nwo ɛ?
Ngɛlɛlera: 2Te 3:16, 17
Fa Maa: Ɛzinzalɛ Arane ɛhye maa ɛnwu Baebolo nu nrɛlɛbɛ kpalɛ nwo neazo nee mɔɔ ɛyɛ a ɛbanyia wɔ Baebolo ɛgengalɛ ne azo nvasoɛ dɔɔnwo la.
KILEHILE NƆHALƐ NE
Kpuya: Asoo ewiade awieleɛ ne ɛbikye?
Nɔhalɛ: Baebolo ngapezo kile kɛ yɛde awieleɛ mekɛ nu. Na ɛhye le edwɛkpa—ɔkile kɛ mekɛ kpalɛ la yɛ nyunlu.
EDWƐKPA MƆƆ VI NYAMENLE ƐKƐ!
Kpuya: Menli dɔɔnwo te nganeɛ kɛ bɛlɛkenga Baebolo ngapezo a, ɔle kɛ asɛɛ bɛlɛkenga adwelie kɛlata la. Ninyɛne mɔɔ bɛha nwolɛ edwɛkɛ bɛdo ɛkɛ ne la boni a wɔnwu ye anzɛɛ wɔde a?
Ngɛlɛlera: 2Te 3:1-5
Fa Maa: Brohyua ɛhye kilehile deɛmɔti tɛnlabelɛ ɛhye mɔ amgba le edwɛkpa maa menli mɔɔ kulo Nyamenle la. [Twe adwenle kɔ ɛzukoalɛdeɛ 1, kpuya 2 azo.]
SIEZIE EDWƐKƐ MƆƆ ƐBAHA LA
Dua neazo ne mɔ azo fa siezie edwɛkɛ mɔɔ ɛbaha la.