Mediema mraalɛ ɛlɛfa Edwɛkpa brohyua ne ali daselɛ wɔ Madagascar
Edwɛkɛ Mɔɔ Yɛbaha La Neazo
ƐZINZALƐ ARANE
Kpuya: Ɛdwenle kɛ saa awie biala fa edwɛkɛ ɛhye yɛ gyima a, ewiade ɛhye bayɛ kpalɛ ɔ?
Ngɛlɛlera: Hi 13:18
Fa Maa: Baebolo ne maa yɛ anwosesebɛ kɛ yɛli nɔhalɛ anzɛɛ yɛyɛ mɔɔ le kpalɛ la dahuu. Yemɔti nɔhalɛlilɛ fale yɛ ɛbɛlabɔlɛ kɔsɔɔti anwo. Ɛhye a le Ɛzinzalɛ Arane ɛhye edwɛkɛtile ne a.
ƐZINZALƐ ARANE (ɔ nzi)
Kpuya: Mekulo kɛ menwu wɔ adwenle wɔ kpuya ɛhye anwo. [Kenga kpuya ne mɔɔ limoa la.] Menli bie mɔ die di kɛ saa yɛwu a, yɛkɔ zo yɛtɛnla aze bieko, yɛɛ bie mɔ noko te nganeɛ kɛ ewule pɛ debie biala azo. Boni a ɛdie ɛdi a?
Ngɛlɛlera: No 9:5
Fa Maa: Magazine ɛhye kilehile mɔɔ Baebolo ne ka ye wɔ edwɛkɛ ɛhye anwo la anu dɔɔnwo. Mebahulo kɛ ɛbalie wɔagenga. Meba bieko a, yɛbazuzu nwolɛ.
EDWƐKPA MƆƆ VI NYAMENLE ƐKƐ!
Fa Maa: Mera ɛke kɛ mebaha yɛ Baebolo ɛzukoalɛ ngyehyɛleɛ ne anwo edwɛkɛ meahile wɔ. Buluku ɛhye bamaa wɔanwu ɛleka mɔɔ ɛbahola wɔanyia kpuya mɔɔ hyia la anwo mualɛ wɔ wɔ Baebolo ne anu.
Kpuya: Asoo wɔgenga Baebolo ne ɛlɛ ɔ? Maa mengile wɔ kɛzi yɛsukoa ye la wɔ buluku ɛhye anu. [Bɛzuzu kpuya 1 ne mɔɔ wɔ ɛzukoalɛdeɛ 2 la anwo.]
Ngɛlɛlera: Ye 4:11
SIEZIE EDWƐKƐ MƆƆ ƐBAHA LA
Dua neazo ne mɔ azo fa siezie edwɛkɛ mɔɔ ɛbaha la.