Kpuya Ɛleka

◼ Mekɛ Boni A Ɔfɛta Kɛ Yɛpɛ Baebolo Ɛzukoalɛ Bie Azo A?

Saa sukoavo bie sunsum nu anyuhɔlɛ ɛlɛka aze a, ɔwɔ kɛ ɛdua nrɛlɛbɛ adenle zo ɛpɛ Baebolo ɛzukoalɛ ne azo. (Mat. 10:11) Suzu nwo: Asoo ɔdi mekɛ mɔɔ bɛva bɛzie ɛkɛ ne kɛ bɛbazukoa la azo ɔ? Asoo ɔdimoa ɔziezie ɔ nwo ɔ? Yehɔ debiezukoalɛ ɛlɛ ɔ? Asoo ɔka mɔɔ ɔlɛsukoa la bie ɔkile awie mɔ ɔ? Asoo ɔlɛyɛ nzenzaleɛ mɔɔ nee Baebolo ngyinlazo yia la ɔ? Nɔhalɛ nu, suzu ye ɛvolɛ nee ye anwosesebɛ nwo, na nwu ye kɛ asolo kɛzi awie biala nyia anyuhɔlɛ la. Bieko, saa ɛpɛ debiezukoalɛ ne azo a, buke nwolɛ adenle ne maa ye kɛ bɛbahola bɛadoa debiezukoalɛ ne azo kenle bie.​—1 Tem. 2:4.